العودة   منتديات روعة احساس > روعـ سياج النون ومايسطرون ــة > روعة صرير قلم

 

روعة صرير قلم مِحراب النون وبوح الوتين للنثر والخواطر../ ممنوع المنقول

15 معجبون
 
 
أدوات الموضوع إبحث في الموضوع انواع عرض الموضوع
#1  
قديم 2014-10-19, 09:36 AM
الشاعر العاشق غير متواجد حالياً
SMS ~
سبحان الله وبحمده
عدد خلقه
ورضا نفسه
وزنة عرشه
ومداد كلماته
لوني المفضل Lightcyan
 رقم العضوية : 18773
 تاريخ التسجيل : Jul 2014
 فترة الأقامة : 1377 يوم
 أخر زيارة : 2017-05-13 (06:57 PM)
 العمر : 31
 المشاركات : 3,500 [ + ]
 التقييم : 12154454
 معدل التقييم : الشاعر العاشق has a reputation beyond repute الشاعر العاشق has a reputation beyond repute الشاعر العاشق has a reputation beyond repute الشاعر العاشق has a reputation beyond repute الشاعر العاشق has a reputation beyond repute الشاعر العاشق has a reputation beyond repute الشاعر العاشق has a reputation beyond repute الشاعر العاشق has a reputation beyond repute الشاعر العاشق has a reputation beyond repute الشاعر العاشق has a reputation beyond repute الشاعر العاشق has a reputation beyond repute
بيانات اضافيه [ + ]
افتراضي قضايا نعيشها في إطار أدبي .. الجُزء الآول



هُنا أضع بين أيديكم وناظركم واحده مِن السِجالات النثريه العاميه
قضيه نعيشها وتعيشنا في إطار أدبي
المُشاركين
أنا ثلاث فتيات
ملحوظه جميع الردود كانت وقتيه في دقائق معدوده من القلب

أنا : سألنى وحيد
عن عم صابر
بواب عمارتنا
الراجل الطيب
قلت يا ريتنا
حاسين بيه

قال لي ماله
قلت له حاله
صعب يا صاحبي
نهاره وليله
ما بين الضيق

قال لي إحكيلي
قول لي حكايته
قلت له عايش
شايل حِمله
وكل ما يمشي
يلقى همومه
في كل طريق

مرة يلاقي
المُر ويشرب
غصبن عنه
وياريته يقدر
يهرب منه
حرام دا برىء

ومرة ينادي عليه
الواد الصايع
اللي في شقة
صاحبه الضايع
يقوله أنا عايز
شاحن لعبة
يشحن لعبة
أصل اللعبة
دي بتخطيط

يجري بسرعة
الراجل الطيب
علشان لعبة
ويفوت بِنتُه
جوه الأوضة
اللي تكوينها
ملخبط خالص
تحت السلم
من غير باب
أو شباك

يجري ويسأل
على دا الشاحن
وما يعرفشي
إن دا كله
مُخطط منهم
علشان ياكلوا
بنته الحلوة
اللي جمالها
يا عيني مِتداري
ورا الأحزان

وبعد الوقت
ما عدا وفات
راجع يجري
وحسرة قلبه
مالهاش آخر
على خطواته
وعلى دمعاته
وعلى صدماته
في الطرقات

راجع يجري
ومايعرفشي
إن كرامته
وشرفه وعرضه
كانو اللعبة
اللي إختارها
السادة بهوات
علشان ياكلو
ويشبع فيهم
ديب شهوات

كانت الصدمة
وأية صدمة
اللي مُصابها
كان في البنت
حنان الوردة
اللي خطفها
صعر نظرات

آه يا حنان
أنهي جبان
سرقك مني
ولطخ عطرك
علشان فقري
وعجز إديا
أنا في حمايتك

أُلطف بينا
إنصفنا يا ربي
خلقك ظلموا
وأنا إيه ذنبي ؟
راضي بحكمك
طالب عدلك
واثق إنك
هاتجيب حقي
لجل حنان
والإنسان
اللي بيبكي
جوه في قلبي

هي أُم مصريه : اسمع يابنى من امك كلمة
عمرى عدى الخمسين
ياما فى الدنيا شفت كتير
شفت يمكن الف حنان
شفت الفقر تقول زلزال
يزلزل قلب الفقير
وياما يابنى شفت كتير
اللى باع ابنه وبنته
واللى باع كليته وكبده
وكل د ه يابنى غير
المستخبى يابنى كتير
ابواب مقفوله ميعلم بيها
غير ربك علام الغيب
والعيب يابنى اكيد فينا
لاذكاه بندى ولا عمل خير
الغنى بيزود ماله
والفقير يدهور حاله
بس بردو ارجع يابنى واقول
ربك كبير
ارجو ان تغفر لامك ما سطره قلمى
ولكن عذرى ان كلماتك استفزت قلب امك

أنا :قولي يا أُمي كمان وكمان
تعالي نعزف سوا ألحان
يمكن وتر يصحى في قلب نيمان
يمكن نمحي ما بينا كُل جبان
سُبحانه رؤوف بعباده رحمن
ما بينا ألف ألف حنان
أه منها دُنيا وما فيها أمان
فين راحت هِبه وهُدى وأشجان
عبير ومُنى وناريمان
أقول ولا ما لوش لازمه كمان
ناس زي الوحوش تاكل في لحمنا
ديابه تنهش يا أما في عرضنا
أه حرام ولا حلال نعيش عليها أرضنا ؟
جاوبيني يا أُمي جاوبيني
راجع تاني الكهربا يا أُمي بتعملها معايا
قوليلي يا أُمي تعالى أفهمك يا ضنايا
يا اللي ما حملت فيك ولا كُنت بين الحنايا
راجع لك يا أُمي تاني

هي أُم مصريه : ياقلب امك تعالى وهقولك تانى
كلام كتير على لسانى
يابنى لما الاخ يقتل اخوه
ولما الابن عاق لابوه
ولما نلاقى البيت نصين
نص شمال ونص يمين
نستنى يا ضنايا مين
مين يجمع النصين
ولما نلاقى يابنى جارين
واحد عنده بالملاين
والتانى مش لاقى مليم
مين يابنى يحاسب مين
الغنى ولا الفقير
هقولهالك يا ضى العين
فى رب على العرش موجود
قادر يابنى يفتح ما بينا باب
يجمع الغنى والفقير
ويلم النص اليمين لحضن اخوه الشمال
وادينا يا بنى ياضى العين
على الدنيا ومافيها صابرين

أنا : تعالي يا أُمي ننزل في شارع الحياه
شوفنا ياما ولسه هانشوف أب وضناه
الخير فينه وإيه معناه
الشر برضه مش غالب مهما كانت الآه
شوفت بعيني يا أُمي فقير
النوم عينه م الجوع جفاه
وبن الآكابر عاش مبسوط
هو أنا كِده يا أُمي عبيط معبوط
ولا كلامي صحيح
شوفت ياما في الدُنيا دي تجريح
والآخر نلوم ونعيب عليك يا قدر
وننسى إننا وحوش في صورة بشر
العدل يا خالق الخلق يا مليك مُقتدر
وأنا صُغير يا أُمي نزلت شارع الحياه وبالهموم مليان
شوفت بن يقتل أبوه العيان
علشان يورث ويكون الولد من الآعيان
وبنت سايبه أمها وماشيه مع واحد خسيس
تفكر ويفكر معاها إزاي يكون عمل إبليس
كفايه يا واد إنت وهي تدنيس
وأنا ماشي في طريقي
شوفت واحد والآصل كان صديقي
ومع أول غمزه من بنوته الشكل قموره
سابني الندل وقتلن لآجل هوى السنيوره
أه يا وحوش وقلوب بجد حقيره
وأنا ماشي وبنفسي مش داري
جيه جمبي واحد حرامي
وعامل فيها إنه واقع في غرامي
كان يتمنى في يوم سلامي
ولما وقعت في شبكته سبب لي مرار أيامي
ولسه حكاياتك يا شارع الحياه
والآخر نقول لا إله إلا الله
سُبحانه بجد وقت الضيق نقول الله
وكان فين وقت اليُسر يا وحوش
أه يا مغول وتتار ما سابوش
إلا وقتلو كل صغير وكبير
وعجبي يا شارع الحياه
إيه رأيك يا ماما في شارع الحياه اللي إحنا فيه عايشين
هو إهنا نستحق يتقال علينا بني أدمين
أاااااااااه من كل واحد سامع صرخة صبيه مقهوره
وسايبها الندل ويقول وأنا مالي بيها السنيوره
قوليلي يا اُمي وعرفيني
ده حقي عليكِ إنك توريني
راجع من تاني يا ماما

هي أُم مصريه : بص يابنى يانور العين
طول محنا ياضنايا عايشين
لازم يابنى نكون صابرين
على الدنيا والابتلائات
مهى دنيا يابنى وهنفوتها
وربك يوم هنرجع ونقولها
ياريتنى يوم ماعصينا
ولا غلطنا ولاأسيناا
ولادوسنا على الغلبان
ولا زودنا تعب تعبان
ولا ضيعنا اى حنان
طول منا وانت عايشين
هنشوف يابنى حلات ملاين
بس تعرف يابنى لسه جوايا امل كبير
لسه فى الدنيا بواقى ضمير
يمكن يابنى نلحق نتوب
ويقبلنا ستار العيوب
واهى ايام يابنى بنقضيها
وادعى ربك على خير يعديها

أنا : سُبحانك بعدلك يا رب حكمت
يوم عبيدك ما ظلمت
بس يا أمي دا يرضى مين
بنوته راجعه من مدرستها
قابلها ديب إكتلمت في عينيه حلاوتها
عمرها ست سنين ويا عيني على حسرتها
ناداها الندل تعالي يا حلوه
أجيب لك مصاصه وأغنيلك غنوه
والبنوته على نياتها
مش عارفه إن الناس شياطين في صورتها
فاكره الدُنيا جميله
ولا تعرف إن الدُنيا بيها تكون عليله
وبعد ما في الندل كانت واثقه
وفاكره إنه يحميها ويصونها
صبحت بالدموع عينيها غارقه
تحبي أكمل يا اُمي ولا كفايه

أنا: ومين لينا غيره ندعيه
بالرحمه والجنه نرتجيه
وحده بعباده رحيم
خالق الملاك وكمان الرجيم
يا رب إرحمنا وإهدينا
ولا يوم قلوبنا على بعض تقسينا
يا رب كُل بنات الكون
عاهدتك أحمي وأصون
دايماً أكون عاقل مش مجنون
إرحمنا يا رب من أي ضمير مطحون
جواه شيطان حُر كان أو مسجون
ستر بناتنا يا رب نتمنى
وبفرحتنا كُلنا يا رب نتهنى
يا رب إحمي أُمي المصريه
نوارة البيت في المشربيه
وإحمي هاني أخويا الغالي
وبنته أسيل القمر العالي
يا رب إحفظ أُختى مُنى دي طاهره نقيه
والآميره الغاليه أُم قلب مليان حنيه
وإحفظ الغاليه وبلدها البُغداديه
أما أُختي اللي غلاوتها الوصف تفوق
مصريه إحفظها وبيتها من أي شقوق
وتاني هارجع يا أغلى صُحبه
ربي يديم حُبنا فيه

هي أُم مصريه : بسسسسسسسسسسسس يابنى كفايه كفايه
منا يابنى عارفه الحكايه
وحجايات كتير اعرفها
من خوفى عليك بخفيها
وشفت يابنى جارتنا ؟
رجعت تبكى والدموع مليه عنيها
بيقول كلب اتحرش بيها
ولا شفت يابنى عمك ناجى البقال؟
ندل ضربه وبأيده رماه
ونسى يابنى انه فى عمر ابوه اوجده
والله يابنى ببكى كتير
من احوالنا ومن التغير
ويقولو ثوره وأيه تجديد
تغور المدنيه والتجديد
لو هضيع شهامه ورجوله
وادب وعطف وحب الغير
ولا يابنى الالفاظ
ده بيشتم بالابوين
وده يسب امه كمان
مش عارفه يابنى اقولك ايه
ياما يابنى شوفت كتير
لما بجد ياضنيا صراحه كرهت
كلمة ثوره وكلمة تغير

لم تنتهي بعد .. للسِجال وللقضيه بقيه



rqhdh kudaih td Y'hv H]fd >> hg[E.x hgN,g gdfd hgH,g hg[E.x td Y'hv kudaih




 توقيع : الشاعر العاشق


 

الكلمات الدلالية (Tags)
.. , ليبي , الأول , الجُزء , في , إطار , نعيشها , قضايا


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
حكايات الدُنيا ...الجُزء الآول الشاعر العاشق روعة صرير قلم 4 2014-11-24 05:23 PM
دعيني أرتشف الخمر من الكلمات .. الجُزء الآول الشاعر العاشق روعة صرير قلم 5 2014-11-18 09:48 AM
مصر ... الجُزء الآول الشاعر العاشق روعة صرير قلم 17 2014-10-04 07:13 PM
مصر ... الجُزء الآول الشاعر العاشق روعة ضبائر العطاء تنامت بودقكم للهطول الأول 1 2014-10-02 09:11 PM
درس ::..::: عمل إطار حجري الصامت روعــة أهزوجة فتنة شروحات البرامج والـ Photoshop مجهوداتكم 11 2009-09-17 01:57 AM


الساعة الآن 02:29 AM

RSS | RSS2 | XML | MAP | HTML


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
هذا الموقع يستخدم منتجات Weblanca.com
HêĽм √ 3.2 OPS BY: ! ωαнαм ! © 2011-2012
new notificatio by 9adq_ala7sas
جميع الحقوق محفوظه لمنتديات روعة احساس

Security team

SEO 2.0 BY: ! Dreams.Com.Sa ! © 2010
تطوير وارشفة الاحلام ديزاين
مجموعة الاحلام ديزاين