العودة   منتديات روعة احساس > روعــة طلعٌ نضيد > نورُ جديد يعانق أرواحنا (الترحيب) > محطة شغبْ

 

محطة شغبْ تسلية ، ترفيه ، لاتقبع هنا كثيراُ

 
 
أدوات الموضوع إبحث في الموضوع انواع عرض الموضوع
#1  
قديم 2007-12-22, 05:58 PM
..
¶ جـالكـــــسي ¶ غير متواجد حالياً
SMS ~
سبحان الله وبحمده
عدد خلقه
ورضا نفسه
وزنة عرشه
ومداد كلماته
لوني المفضل Lightcyan
 رقم العضوية : 8
 تاريخ التسجيل : Feb 2005
 فترة الأقامة : 4814 يوم
 أخر زيارة : 2013-09-27 (10:27 AM)
 المشاركات : 4,907 [ + ]
 التقييم : 31178
 معدل التقييم : ¶ جـالكـــــسي ¶ has a reputation beyond repute ¶ جـالكـــــسي ¶ has a reputation beyond repute ¶ جـالكـــــسي ¶ has a reputation beyond repute ¶ جـالكـــــسي ¶ has a reputation beyond repute ¶ جـالكـــــسي ¶ has a reputation beyond repute ¶ جـالكـــــسي ¶ has a reputation beyond repute ¶ جـالكـــــسي ¶ has a reputation beyond repute ¶ جـالكـــــسي ¶ has a reputation beyond repute ¶ جـالكـــــسي ¶ has a reputation beyond repute ¶ جـالكـــــسي ¶ has a reputation beyond repute ¶ جـالكـــــسي ¶ has a reputation beyond repute
بيانات اضافيه [ + ]
جآلكســي وانضمامه للنصـر وعربدته فالشوارع وطفولته >ممنـوع العاقليـن



[align=center]بسـم الله الرحمـن الرحيـم ..


وصلى الله عليه وعلى محمد وجميع المسلمين افضل الصلاة وازكى التسليم .. ونبدأ اذاعتنا مع القرآن الكريم > بلا مصاله اخلص
:ro-213:


قبــل كل شــي ..

رجاء . اذا مانت فاضـي ولانت راعـي دجـه .. للخلف در..

واقلب وجهـك ..

لاني ماني فاضي ماصلين صراحـه ماهم من مزااجي ووجوّي ..
مايدخل فيـذا الا مهستـرين وفاصلين الريـوس ..




ممنــــــــوع دخـــــــول العاقليــــــــــــن منعـــآ بــــآتــــّأ...




نبدا قصتنا الجميله . . من بين ثناياا الطفوله الجميله ( الي ما اتذكرها ) وحبه حبه لين اوصل للي اتذكره .. (الحين اهلي الي يعطوني العلوم ويسولفون لي )

اول ماجابت امي .. اختي الاكبر مني .. لقوني مغلف بكيسه شفافه برجول اختي ..ومكتوب على جبهتي مجانآ ..لايستبدل ولا يباع .. >كذبة بيضا

قالو يالله الخيره .. وصحيح كانو يقولون كنت ماكل عليهم جو البيت .. حبووب وحلوو وكتكوت يآي شو مهضووم > كلام امي لبنااني ترى > كثر منها


وقالو مافي احلى مني من هالبزارين .. جيت في ( شح ) بالبزارين في بيتنا ذيك الفتره ومليت عليهم البيت وماكان احلاني ..:ro13:

أليـــــن مـآآآ ....!!



قعدت (المامي) تقريبا سنه وبعدها جابتاخوي الاصغر مني ..:ro80:

سين سؤال

اتحداكم كم عمر اخوي الاصغر مني ؟؟ > يسمع بشد الانتباااه

ومن بعدها وقالو اهلي صارو يهتمون بالـبزر القادم حديثا الى درجة الاضواء (اخوي ) وقالو .. باني تغيرت مليون درجه .. صرت متوحش .. ومفترس .. ( ايه يدلعونه وانا لا ؟ )

وابتدأ مشوار المجازر...!!


طبعاا مابدى على طول المشواار .. مابدى الا بعد ماكبرت سنه وشوي لين صرت احبي .. > الحين كوعة صاير اسود ومتشقق كنه جبهة غرام الاصيله من كثر جرائمه
>للحين اثار الجرايم بكوعه

يقولك الوالده اياام الف واربع ميه وحطبه .. ايام ماكان في اسرّه عدله للبزارين ..

اخذت سرير !!


لاخوي المقفل مع كل الجهاات عشان ما انتهز انصاف الفرص وامصع وجهه ..:ro7:

يقولون لي كنت اذا امي موجوده وابوي .. اروح وابوس اخوي (انا باقي بزر) ـ ومن شافني قال يحب اخوه ..و(يقولون ) لي اول ما القى انصاف الفرص والقى اخوي لوحده .. على طول اروح ركض والعب بوجهه اكس دائره :ro47:..تجي امي تلقى وجه اخوي كأنه وجه (حمار):ro-221: اذنه تصير طويله > من كثر المصصع ورموشه منتفه وملامحه متغيره .. وفي روايةً اخرى قيل ان الوالده ركضت لاحدى بيوت الجيران ظنــًآ منها بأنهم اخطأوآ بين ابنها وابنهم > اتعب ياللغه والشلخه في آن ٍ معًـآ هههههههه

الين جاات مرره من المراريت كانو فيه عجاييز شمطاائين > مدري الجمع صح ولا لا :ro91:

وحاطه اخوي يلعب مع وحده من بنات هالعجايز وانا متبطح جنب امي (تعرفون حركات البزارين التسدح والتبطح والتميلاح لامن جاو حريم والسفره كلها حلااو ) هع هع :ro72:


هذيك السالفه كان عمري تقريباا ثلاث سنواات وشوي

ولا شاافت امي وهم يسولفون الا والبنت عندها قاعده مع الحريم .. اخذت يمكن ربع ساعه ( على لسان االوالده ) الا وتصااارخ الوالده .. فلااااااااااااان وييييينه ( تقصد اخوي ) ونااظرت حواليها ( مكاان التبطح والتسدح ) مالقتنـي ..!! ومسكت راسها وااااااااااااااااااااااع الحقـوو على ( فلااااااااان) طبعا اسم اخوي عوره > كااااك

ويتنااقـزوون على الغرفـه ولقـوني
:ro13:
حاط رجولي على كتوفه ( تخيلوه بزر :( ) وانا اشخمط بوجهه واغير ملامح وجهه انواع التمعيط وتمسكني امي وتسويلـي سوبلكس خلفي بسررعه وتدفني على حبال الحلبه واركض عليها وجت تبي تعطيني كف وانزل راسي الا عمتي (رفعه) من وراها تمسك راسي وتشيلني وانا بالهوى ترفسني بالرجلين واول ماطحت الا عمتي (نعيمة) فوق الدرج اول ماطحت الا وهي تنقـز وتطيح علي بكررشته وادخل في سرتها وجاات عمتي (درعه) طااايره وتزحلق بالغرفـه وتعـد وااحد اثنيين ثـلااا .. الا واانا ارفع يدّي .. > خارج النص

يوم جات امي وهفـّتني كف لزقتني بالجداار .. وناظرت باخوي .. كان يبكي ويصييح ويصارخ بس بدون صوت ( من قوة الالم ) يعني شررق>بفتح الراء.. اخوي ماعاد يطلع الصوت .. ويمسكونه ويحضنوونه ومدري شنوو وانا اتفرج :( الله يالبرائه
ـ:ro116:.. وكلن يرسل علي ( تفله + نخامه ) ديسكفري > اقسم بالله انيّ انقرفت وانا اكتب وحلفت لاقرفكم معي:ro114:

عااد يع يااتفلة عمتي( نعيمه ).. عليها لغااالغ زي لغاالغ التختور غساان الله يعين عليها .. تسونامي مو تفاله :ro14:


ومن بعد ذيك السالفه تقول امي صدق بأني .. توحشت من جد . ولا صاروآ يسموني الا (السفآآح ) وويوم كبرت صرت بالمتوسط كاانو يعيرون علي .. الحجااج بن يوسف خخخخ

بس كبرت ونسوها واصلن ماعااد تليق لي صرت مزيون وش حلوي > يرمش بعيونه :ro95:


وكان فيه عايلة من عماااني .. جايين .. ذيك الفترة زياره .. وعندهم بنتين .. من بنات عمي جايين من الديره .. البنتين وحده ولدت فالسنه الي انولدت فيها ووحده بعدها بسنتين يعني اخوي اكبر منها ..

المهم الكبيره الي على قدّي .. هذيك لاشفتها تمشي وهي صغيره يقولون كأنه قصب سكـّر للبيع .. كلها عصاقيل ..كأنها فرس النبي

والثانيه اكبر مافيها راسها كأنه ( يقطينه ) بس مطعوجه من النص ..سبحان الله اطفال انابيب ولاقاس عليهم شرر ان شالله..

السالفه تجيكم ..


يقولون انهم اول ما جاوو بعدها باسبوع .. كانت الاصغر لحالها بغرفه وكانو كلهم يسولفوون .. فقدوني ..

بالذات امي ( شاهده كل الجرائم ) وصارخت باسمي وين انا ياخرااشي يالهوووي ايه الكلام ده > عسى ماشرر
عاد المساكين قالو ماندري كان هنا..وصارخت على بنات عمتي الصغار وينهم ؟؟ قالت وحده نايمه والثانيه هذه .. وطاروآآ للغرفه الثاانيه ..


لقونِـي سااحب رجول بنت عمي الصغيـرره .. ومسحب فيها من غرفه ومدخلها المطبخ ( سحب طبعا ) وكان فيه قدر ( حق طبخ قولوا بعد مانعرف القدر ) ومشيت على القدر وانا اسحبها طاحت داخل القدر وضرب وجههاا على حافة القدر وكملت فيها تسحيب لين طاحت من على القدرر جااو واناا اول ماطيحتها من على القدر .. ( وهاتك صياح وصراخ ونوااح ) > ياناس وش مسويلهم انا

ولقوها شبه تتنفس ّ !! وودوها المستشفى وهااتك صيااح وانواع المناااحه

المهم بعد يوم واحد بس رجعت الحاله طبيعيه والبنت اوكي وضعها .. بس بعدها بكم يوم بدت تطلع اثاار بوجهها من الجهه اليسرى .. من طرق الجبهه يسار لين نص الجبهه ونازله على العين لين نص الخد هذا كله اخضـرر

وكل ماله يزررق ويخضر يوم عن يوم هع هع


تدرون شلون عرفت ( عمتي ) كانو يسولفون عنها وش الي في وجهها مزرّق مع الجهه اليسرى ( مع امي ) وجابوا السالفه ( انصدمـت) تخيلوآ مسوي هذا كله والبنت تعااني لين الحين .. .. تصدقون لين الحين ورب البيت وهو بوجهها ؟؟

المهم هذا الكلام ايام ثالث ثنوي .. ( يوم عطوني السالفه ) انا من جد انصدمت ,,

وتضحك امها وتقول مافي مشكله تزوجها وعالجها > ياشيين مزح العجايز وربي يبيلها بالدله على خشمها


لكن اشوه راحت الايام وجاات واخذها اخوي الي من ابوي > وفكني هع هع هع

وتزوجوآ قبل سنه تقريباا وعالجهاا ليزر هع هع هع كل مايقولي شي اقوله . .اقول لايكثر لالسبك انت وزوجتك روح اسعلها هع هع > يهايط وهو اصلن مايتذكر





تدرون وش المفاجأه
..



للحيـن مابدا المـآضــوٍع .. جآلكســي وانضمامه للنصـر وعربدته فالشوارع$$







في من ربوع حارتنا و طفولتنا المريره اقصد البريئه .الجميله .. ماشالله علينا كنا طبعا عيال عز .,,

والي يطلع بسروال اصفر مع الجنب خطين اسود وركبته ماهي مشقوقه .. هذا كنق الحاره البطرااااان .. يكح فلووس ..ابطر واقوى واحد فالحاره

وطبعا بما اننا كحياانين وطفاراا .. كانت كل سراويلنا والبناطيل ماتدخل الدرج الا وعليها ختم الركبه المشقوقه ..

الواحد مايرتاح لين يكرف ام ام السروال لين تنشق الركبه من كثر الدعس والكرف والشرمذه والريحه الخايسه والصنه .. :ro4:

المهـم بما اني كنت اياام حارتناا الكنق :ro-180:
ماحد يقدر يقطع الكوره مني انواع الترفس القوي هو الي يعدّي وابن امه واحد يقرب يقطع الكوره اجمع عيال عمي ومافي الا انواع التلسّب والتمحيط وحذف الحصياان ..

ابد ذاك اليوم كان فيه مباراه بين حارتنا وحارة ابو جمل الجيزااني وابو سويد .. وهااتك ركض هااااتك ركض مااكان عندنا شي اسمه ناول الكوره .. ابد الي تجي عنده الكوره مايتنســّم الا وهو داخل مع الكورره داخل القوول :ro82:

اذكر كناا نلعب ولا نرتااح لين صرنا نركض والواحد مطلع لسااانه ( زي الخروف ان ذبحته يصير اللسان على جنب )

تحس اننا كنا نكرف وحناا بزارين اكثر من بزارين نيجيريا احس لو يفكونا بمارثون اكلنا الاخضر واليابس على ابطال كوباا العبيد هع هع:ro141:

وابد وكنا متجهزين للمبارااه وتكيك حلو للمبارااه تكتيك مدروس جدا .. الي هو اذا الهجمه لنا كلنا هجوم واذا الهجمه علينا كلنا وراا دفاع واخر واحد حارس .>انتبه لايسمعك فريجسون يمكن يسرق التكتيك,,. وهااتِك لعب اوربي مافي الا تمحييط جدراان .. اللعب سااعه كامله ..خمس واربعين دقيقه الكوره طامره بالبيوت الي جنب الملعب وحنا ندق الجرس وانواع التشحذ تكفون واحيان نضطر نبكي عند الباب واحنا نترجى يعطونا الكوره عشان ماتخرب المباراه وربع ساعه هي مدة المباراه . عااد ورى الملعب كان في بيت شهير لواحد من اخويانا شمري .. اسم راعية البيت ( أم خليف ) معروفه كنا نسمي بيتها برموداا الكوره الي تطب ماتطلع منه :ro119:لو تبوس كراعين البااب حقها .. واذا حلت رحمتها عليك .. طمّرت لنا الكوره مشقوقه من النص .. بس ياكان عليها بنت شـققققق .. > طلع راعي قز يومه صغير :ro114:


:ro121:



بالكم والله ماشفتوها وهي تقط كيس الزباله الي عند طرف الملعب > كان كل الملعب يوقف كأننا نلعب بلايستيشن وضاغطين ( puse ) موقفين اللعبه .. اول ماتدخل نكمل

المهم وكانت المبارااه رائعه بمعنى الكلمه كانت حافلة بتشحذ الجيران والترجّي وفي حالات اخرى وقد يصل الامر الى البكااء المرير

المهم في وسط المبارااه كنت انا والكابتن حقهم انواع الـحقد
على بعض انا اقول انا كابتن ماجد وهو يقول لا انا كابتن ماجد وانت بساام اقول تخسى انا كابتن مااجد انا ابيض منك يقول تخسى انا احسن منك المهم والواحد اول ماتجيه الكوره مننا يمزع الثااني > فله المباراه سااخنه

وابد جااته الكوره كان اخر لاعب لو اقطعها منه اقدر امحط بطن الحاارس وادخله فالقول .. وانا جايه امشي مليونين شوي الا يمزع ام الكوره اصاابع .. وتسمـِـت وجهي الا وانا متشقلب دبل كيك .. لا وعلى (قبوعي )
وانا اقعد اصييح وجاا وماسك وجهي منبطح على الارض وجاا يبيي ياخذ الكوره وانقز عليها وامسكها وانا مابي افكها هو يشوتها وانا ماسكها ببطني واقوله انقلع يلعن خيرك يابن اللذين واقط الكوره قداامي والحقهاا ولا حسبوآ فاول عشاني بكيت والحاارس قداامي ..انفراده خطيره أمام المرمى .. والحارس هذا وجهه :ro117: والقول فاااضي واشوتها امززع امها في بطن الحارس الا وهو منسدح واناا اركض سويت حااجه احسن من الهدف وعيال الحاره ركض ورااي فرحاانين بالمزعه ( المغطه ) ( الشوته الاصاابع )
وجا الاسعااف وقامت الجمااهير > الجماهير ( لا احد ):ro130:

المهم اول مامزعني اتشقلب على ورى واهبــِد بالارض واقووم ورى الكورره > ولا كأنه صار شي

المهم انا حقدت عليه ..
ويوم ربّي صااابه وكاان داعي عليه .. جات الكوره برجولي .. وانطلق عليه ركض وهو عرف اني ابي امزعه بالكوره وهرب وانا الحقه بالكوره شفته سرييع شوي وامسك الكوره بيدي وهااتك ركض ورااه المهم هو خوف مع تعب وقف في مكاانه واطبطب الكوره وامزع ام امهاا اصاابع وينزل راسه الا وعلى دريشة ام خليف طراااااااااااخ ولا تشوف عينك الا القزاااز ( الزجاج ) :ro87:> ترجمه للمفهيـن كـ روعة الحياه وابَد .. اول ماسمعنا صوت القزااز الا

الشاارع يخلو من الحركه في ظرف ثانيتين وكأن على الشارع حظر تجوال من اربع سنين ..

وبنفس الوقت كاان يمشي بالشاارع عضو مجلس ادارة جماهير النصر مدري وش اسمه ويشووف الشوته .. عااد هو انبهـَر ..


وانا مانمت ذاك الييل افكرر وش بسوي ياربي وش بسوي ياربي اكيد بتجيني الشرطه وبتشنقني ..او جلد ..او تعزير

ياويلي ويلااه لاحد يدرري ..

واروح لعيال الحاره كلهم .. واهددهم اقسم بالله العظيم لو احد يقول شي للشرطه لالعن ابو صلايبه سامعين انتو ويااه ..الي يخاف يقول والله ماعلم حد .. والي يسوي فيهاا حبه ونص وينفخ اقوله تكفى والله ماسويت شي مانب اقصد انا اصلن الله يخليك احنا اصدقا اصلن مالها داعي والله لاخليك كابتن بعدين ..

على فكرة كانوآ يسموني ( السفآح )


المهم وانا بفراشي مره ابكي ومره ابكي ومره ابكي > مسوي غيّرها


واحياان ابكي > خلاص

لين سمعت صوت الجرس ..

درررررررررررررن > ولا جرس مدرسه واخذ شنطتي واحطها على ظهري


لا امزح .. المهم الا وانقز وابكي .. ياويلك ويلاااه يابو حمييد اكيد هذولي الشرطه المهم .. واشد من عزمي واسوي فيها انا البطل الفتوه حق الحااره ..

الا وواحد كبير مرسّم غتره وعقال .. قلت بس ياويلك يالسفاااح جاا اليوم الي بتنسفح فيه هذاا اكيد المبااحث

وتأكدت يوم سألني .. انت تعرف وين بيت الي يسكن فيه ولد اسمه السفااح ؟ قلت لا والله وقسم بالله ماعرفه انا وياه ماكنا اصدقاا اصلن مافي عايله فالحاره سكنوا هنا شكلك غلطاان ياخوي والله العظيم > ابكي التصريفه

بعدين اصلن مافي احد في هالحاره بهالاسم شكلهم سافروا > يبي يخليه يروح مره وحده
:ro18:

شوي الا واحد ماار بسيكل ( بطراان بحارتنا ذاك الوقت ) الا وهو يقول هاا السفااح كم كم انتهت المباراه ليكون هزّأكم ابو سويد وربعه .. خذتني الحميه بغيت اقول تخسى يابن الذذين انت وياه .. لكن على طول وانا يتقلب وجهي وهذاك الرجال يناظر فيني :ro152:

قلت والله العظيم ماكنت اقصد الله يخليك انا ادرس وانا مالعبت معهم مباراه اصلن كنت مريض > وهاااتك صيااح وبكاا وينشب بثوب الرجاال ويحتضنه

شوي الا دفني قال انت وش فيك وسختني تراك ابلشتني ..وش تقول انت انت على بالك شرطي انا ؟ ويناظر بوجهي ( الا انواع الحفريات بوجهي وانواع ( الي خبري خبركم ) )

واشد فنيلتي من عند بطني وامسح وجهي بقووه لين حسيت ان وجهي تجررّح

واسأله كيف يعني انت مو مبااحث دازتك ام خليف النسره علي وتبي تمسكني وتشنقني ؟


قال لا يااخي من وين جبت الكلاام هذااا

انا عضو مجلس جمااهير النصر وعندنا بكره مبارااه مع الهلال ونبغااك تشارك وياناا بس قبلها ابغي اتأكد انا بسألك انت الي شت الكوره امس وكسرت دريشة ام خليف . > على طول هزيت راسي وانا اقول اييه اييه اييه اييه ايه ( كادت رقبتي تنقطع )

قال بس احنا خايفين ان عندك واجباات تحلها او انك ماتوافق .. قلت بسرعه : موافق موافق موافق موافق > زي ابو ركبة بالضبط الي بطاش ماطااش


المهم ويجي اليوم الكبيير .. ياربييه جبت العيد ؟؟؟

وش البـَس وانا ماعندي الا سراويل مشقوقه من الركبه .. وابد وادور بالدروج كلهاا وبالكبتاات كلها والمخزن مالقيت ..كلها سراويل منتفه مكروفه منلعن خيّر خيّرها ومشققه مع الركبه ..وانا اقول ياليييل البلشه ؟؟

ايييه .. الوالد عنده شورتاات من خط ميه وعشره الي يترزز فيها قداام امي مسوي توم كروز

مع جسمه الخنفشااري..

الا واتسرّق وامشي بشويش حبه حبه .. لين طحت على الكبَت وادوّر وبالموت لقيت شورت ابيض مرقع بازرق (هلالي ) قلت ياالله مافيه الا هذا وانا طالع من الغرفه الا وابوي بوجهي ..واخبي الشورت ورى ظهري قال وش عندك ..قلت يبا يبا جبت لك هديه روح شوفها بالدرج .. الا ويتغير وجه ابوي ..ويدخل الغرفه اول ماشاف غرفته معفوسه فوق تحت طلع عند البااب الا وهاااتك هواااا ماشااف الا الريح والغباار وانا اخو فريال العضباا

طبعا كل اللعيبه رايحين للمباراه بسياراتهم الخااصه .. الا انا رحت ركض .. انا بالشرقيه ورحت للمباراه ركض ماخذت ربع سااعه ..ويوم وصلت عند بوابة الملعب الا وجهي بوجه (سعد الحارثي ) قاام ينااظر فيني قال : يفتح الله .
الله يعطينا ويعطيك والله محفظتي مو معي .. قلت وشو يفتح الله تمزح يااسعد الله يهدااك > مسوي يمون
قال وشو نسيت محفظتي .. قلت لا يااخي انت ياحبك للمزح انا خويكم صديقكم الجديد بلعب معكم اليوم وش فيك انت ماتعرف ؟ واطقه على ظهره بكف > ويناظرني باحتقار من فوق لتحت
قال طيب وش هاللبس ماتستحي انت ؟ > افا ياسعد ماهقيتها قلب علي
قلت ياخي وش فيه كشخه اتحدى اي واحد فالحاره يلبسه .. قال : اقول تبي تلعب ولا لا .. قلت ايه موافق موافق موافق .. قال اقول اسمع ولايكثر انت ووجهك تقول صاموله ددسن ..
ويصارخ على عمال النظافه ..قال وين الملابس الوسخه الي بتودونها المغسله .. قال الهندي بالزباله
قال سعد خلاص روح جيبها وعطها هذاا > انا طاح وجهي حسيت ان خاطري انكسرر

وابد قبل المباراه بساعتين ننزل انا وفريق النصر كله لساحة الملعب لاداء التمارين والتسخين والعاب السويديه قبل المباراه ..

وأول مادخلت الملعب الا والملعب فل ملياااان ع الاخرر وعيال حارتنا لحااقين كوَر كلهـم ( انا متوسط لهم ) عشاان يشوفوني من قريب

واول مادخلت الملعب .. واللعيبه يتمرنون بالكوره تمارين خفيفه الا وانا تااخذني الحفــَـله وهااتك ركض على المضماااارر

والجمااهير انوااع الضحـك والتصفيرر على بالهم جايبين وصله كوميديه واحد يونسهم ..

مايدرون اني ( اللاعب المجهول الخفي ) الي طلع بنفس اليوم بجريدة الرياضيه ..

وابد اول ماتبدى المبارااة كانو رازين خشتي احتيااط > حسافه على ذاك الركض كله تقعد احتـنيـااااط >لاحد يسوي فلــّه ويقول غلط ترى متعمد


وابـد مع مرور اول خمسطعشر دقيقه اصيب سعد الحارثي .. دعس عليه خالد عزيز ونقز عليه بركبته وهو طايح .. وطرش سعد الحارثي .. وعمر الغامدي ماسك رجول سعد الحارثي ومسوي حركة ( بيرت هارت ) كسر القدَم .. الا والمدرب آســَــاد يصارخ علي .حمممممد ياوجه النكبه يالسفاااح ... وانا بدكة الاحتنياط قاعد .. الا وانقززز ويضرب راسي سقف دكة الاحتياط وابدّل والبس الجززمه ( وانتو بالكرامه ) في خلال ثانيتين وانطلق للمدرب .. قال وشتبي انت ووجهك رووح ودّ لسعد ماااي بسرررعه > وقلت بعقلي اهاا يبي يختبر مثابرتي واعصابي زي العسكريه > مسوي فاهم

وابد اول ماخذت الماي وامر من عند آسـااد رايح لساعد الا وهو يشوتني من ورى بن التسلبه ويوصلني لسعد الحارثي ازحلق لين وصلت عنده ويناظر فيني وهو طايح وعمر الغامدي ( لآوي ) رجوله وعزيز (بارك)بركبته فوق رقبته .. وهو يناظرني بنص عين ويقول ماني مستسلم والحكم خليل هلال قصدي خليل جلال يقول مسسستسلم .. وسعد يقول لاا ويمد يده باتجااهي .. وانا امـِد يدّي له وشوي شوي يقررب .. ويقررب .. واول ماصافح ايدِي .. اهفــّه بقارورة الماي على جبهته الي بيدّي وانا اركض لدكة الاحتنياط بسرعه وانا ملتفت له واقول >> هيي هيي العبها على غيري تبي توهقني هااه لاتلعب علي

وابد ارتـعز بدكة الاحتنيااط مره ثانيه ..

ليين مابقى على نهاية المباراه الا خمس دقايق

الدقيقه اربعين والتعادل صفر صفر ..

الا المدرب ( ينده لي ) ويقول السفاااح يالله سخن جاا دورك .. توه ماخلص جملته الا وانا جنبه .. ويناظرني من فوق لتحت .. ويمس كتفي ويقول شوف ياحمد انت امل الكره النصراويه .. لا انت مش الامل ..انت اخر امل .. لاتخيب ظني فيك .. وقلتله ابششر بعزك وانا اخو فريال العضبا ماطلبت شي .. قال يالله ادخل نفدااك بدال سعد الحارثي وادخل بدال سعد الحارثي وانا قاعد على الخط انتظر سعد الحارثي يجي يسلم علي وسفطني اركض عليه ابي اسلم عليه اعلم الجماهير اني مياانه ويا سعد شوي الا يدفني مع وجهي والسّب ام امه عند خط الثمنطعش وهااتك ضرب .ولا طلعه من الملعب الا قوات الانتربول والبنتاغون

وابد ادخل الملعب واول مادخلت اركض على المضمآآآر بسررعه عشاان تشوفني الجماهير اني سريع يعني لعييب ويشوفوني عيال الحااره وواحد من عيال الحااره رافع الشورت المرقع حق ابوي ويصارخون باسمي .. الا وابوي يشوف الشورت ويقول يه الشورت حقي الي اترزز فيه قداامك > يسولف لامي

امي : خخخ خخخ خخ في سابع نومه


وابـد وانا اركـضالدقيقه خمسه واربعين الا ولقاني خالد عزيز .. قال انت وش عندك هناا يالبريعصي .. قلت بريعصي ولا كنغرر انت ووجهك الي كنه صدام همـر الا والجماااهير كاااااااااك يتبطحون وويلحقني بالملعب وانا هااتك ركض عااد انا سريع .. مدري شلون الا وياسر القحطااني يزحلق علي ويطيحني واسحب على وجهي ثلاثه كيلوو باتجااه خالد عزيز ويمغـطني ويشووتني شوووته ( الله وكيلك من شوته ) باتجااه الدعيع محييييط واناا طااايرر من قوة الشوته حسيت ضلوعي طلعت مع جبهتي وبنفس الوقت كاان ( احمد البحري ) هااجـِم بالكوره ورفعهاا داخل المنطقـه وتضرب فيني الكورره وانا طاير من قوة الشوته وادخل انا والكوره دااخل القول .. ويغمى علي والجمااهيييير انهبلت صارت في حاله هستيريه والجمااهير على بالها اغمى علي من الوفاء للنصر وحبي له مايدرون انها من قوة شوتة خالد عزيز وهااتك اللاعبين تبويس ويششيلوني على ظهورهم والفله والاغااني والحكم صفــّر
وانا اروح للجمااهير واسوي لهم هالحركه :ro124: > يسمع بالحركات وانواع قواطي الببسي بوجهي حسيت بأني مسوي غلط واغير الحركه بسرعه واسوي :ro-198:

وقام الحكم و يردح معنااا ومن الفرحه جاني سعد الحارثي معااه خيزراانه يمحطني بظهري ولا وعيت الا والوالد يمحطنـي بظهري بخيزراانه ويقول قمم يالفاااسسق صل الفجرر الجمااعه بفتوتك لابوك لابوو سبعين تسلب .. قم نقمة زوورك > سبه مشفره قم جعلك السلااال قم جعلك الساابع قم ياجعلك ماتعرس > مادانيها هالدعوه هع هع


تيتـآ تيتـآإ خلـصت الحدوتـآآآآ



مايستفاد من القصــة :

1_ الماضي ليس كل شيء فلا تستند إليه ولاتعد إليه مهما كان أليماا .. فأنت هيس اليوم .. وهيس الغـد > الحين بتقول روعه..هلا شو معنا كلمة هيس.. عشان تتسطر

2_اذا كنت متحسف على ماضيك ومستحي بأنك كنت تلبس سراويل مشققه من عند الركبه فغيرك كان يلعب بدون سراويل..اشكر الله..

3_اذا اتاك عرض لنادي النصر فلا تقل موافق موافق موافق وتصير سبله .. بل خلك ثقيل وقول عندي عرض من نادي الهلال .. وشوف اذا مادبّلولك العرض ولا هالسكسوكه ماهي على رجال..

4_دمائي نصراويه ابن عن جد.. الى متى سيدوم عشق النصر !! احبك حتى ان لم أر كأسآآ لمدّة فرن .. فحبّك مرض..وليتني لا اشفى منه ..!!

5_لاتحط بصل على البيض >>>>> خارج النـــــــص

6_الباب الي يجيك منه الريح لاتلحسه كله ..

7_اذا سويت حاجه حلوه وانت ماتقصد فحاول انك تستانس وتسوي نفسك انك متعمد > زي الهدف ..

8_هناك وجه شبه بين الارنب والحمار فلا تغفله ..



9_الموضوع خالص جدآ من التنكه ..والرجاء عدم سرقته كـما سرقت مواضيع سابقـة ووجدتها بمنتديات اخرى,,فهذا الموضوع وآفـي وكآمل بنكهـة مخيـخ جآلكســــيْ بآشـــآإ ..,,



واشكـر لكم حسـن الاصغـآء والانصـآت > اذااعه اول دال مو قصـة ,,

واسفين للابحـآر في عالم الدجـه والخيآآإل,,وحياكم الله تعـآلـــوآ كل يوـوم ..


بانتظـــآآآر جديدي ْ > وش دخلك هم الي يقولون مو انت


.. انتظــروه فالقــــــآدم اعنــَـف ..



,.,۩۞۩- ][ مـــــ الدجـــّه ــــلك ][-۩۞۩.,,


يالله اتمنـى انكم استفدتـوآآ من القصـة ,,



[Ng;sJJd ,hkqlhli ggkwJv ,uvf]ji thga,hvu ,'t,gji >llkJ,u hguhrgdJk





 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
بدووون ازعاج وطفولته المريره هههههه غرام الاصيله محطة شغبْ 16 2006-12-15 07:45 PM


الساعة الآن 06:54 PM

RSS | RSS2 | XML | MAP | HTML


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
هذا الموقع يستخدم منتجات Weblanca.com
HêĽм √ 3.2 OPS BY: ! ωαнαм ! © 2011-2012
new notificatio by 9adq_ala7sas
جميع الحقوق محفوظه لمنتديات روعة احساس

Security team

SEO 2.0 BY: ! Dreams.Com.Sa ! © 2010
تطوير وارشفة الاحلام ديزاين
مجموعة الاحلام ديزاين