عندي مشكة محيرتني ومضايقتني ... اتمنى تساعدوني

عندي مشكة محيرتني ومضايقتني ... اتمنى تساعدوني

السلام عليكم ورحمة الله وبركاته
شلونكم اعضاء منتدى روعة احساس ... ان شاء الله بخير
بسم الله نبتدي بالموضوع ....

انا اول مرة اكتب مشكلة واعرضها في الشبكة العنكبوتية .... لكن ظروفي تحدتني
عندي بلاك بيري ومرة من المرات اتصل علي رققم غريب ومن الامارات .... تفاجأت ورديت
والمحادثة كالتالي :

المتصل بدون كلام ولا سلام : ابعدي عن رششود ولا تقربين من عنده وهذي نصيحة مني
انا باستغراب : منو انت ومنو رشود مالك هذا .... ؟؟؟
وصكر التلفون ... خفت وقلت لامي وعطيتها فوني خذته واتصل مرة ثانية وزفته وسفلت فييه
وقالت لي : هاك فونك وهذا طيش شباب ما عليك منههم تلقينه غلطان
تطمنت وورد اتصل مرة ثانية وديت الفون لامي وقلت لها :اتصل مرة ثانية
اول ما ردت امي وقالت له منو انت
قال : وين فلانة >> قال اسمي ... !!!!
وامي زفتتته وعصبت وكسسرت الخط وخذت الفون وزفتني انا
وقالت ان انا اللي مكلمته واعرفه

انا والله ثم والله ثم والله ما عمري كلمت ولا عرفت والله شاهد علي جعلي انششل اذا انا كذذابةة
حاولت افهمها لككن زعلت ورفضت تكلمني ومافي احد يدري بالسالفة الا : امي \ واختي الصغيرة \ وصديقتي المقربة
صديقتي سألتني : انتي متهاوشة مع بنت \ حقدت عليك بننت \ شي زي كذذا
قلت وانا نافية نهائيا : لا ..... حاولت تذكرني وتقولي قبل شهور يعني تذكري اي بنت حاقدة عليك او اي ششخص
قلت : للا وانا ما عمري زعلت اححد قالت لي : هالشي مدبرة لك اححد وهو متعمد يسويها

فأنا احترت وتضايقت اصلا خدمتي كانت طافية يعني ما امداني اكلم او اعرف اححد
وامي زعلانة علي وما ادري منو هالششخص حييل خايفةة

ايش تعليقكم على موضوعي \ وبلييز ساعدوني وحاولوا تتفهمون وضعي
حيل متضايقة ..... والله ضاقت فيني الدنيا ...!!!


وبسسس سوري ع الاطالة
انتظر ردودكم بفارغ الصببر

في امان الله ....

المصدر: منتديات روعة احساس

---

uk]d la;m lpdvjkd ,lqhdrjkd >>> hjlkn jshu],kd