العودة   منتديات روعة احساس > روعــ لسموكم موطن مطهر ـــة > روعـ رصيف المرح ــة

 

روعـ رصيف المرح ــة «• العاب تسليه لاتقبع كثيرا •

الإهداءات

انتحرت بعد ماضاع حسام وماتت حصة

7]هاذي القصة جرت احداثها مع صديق ابن عمي عمر و حبيت انقلها لكم وحبكتها كأن صديق ولد عمي هو اللي كاتبه جداًرووووعة اليكم اليوم تجمعوا شيّاب الحاره عند الوالد

موضوع مغلق
 
أدوات الموضوع إبحث في الموضوع انواع عرض الموضوع
#1  
قديم 2006-12-10, 06:01 AM
ماعاد أنا مشتاق غير متواجد حالياً
SMS ~
سبحان الله وبحمده
عدد خلقه
ورضا نفسه
وزنة عرشه
ومداد كلماته
لوني المفضل Lightcyan
النقاط: 0
 رقم العضوية : 1340
 تاريخ التسجيل : Dec 2006
 فترة الأقامة : 3651 يوم
 أخر زيارة : 2006-12-12 (04:31 AM)
 المشاركات : 1,100 [ + ]
 التقييم : 11100
 معدل التقييم : ماعاد أنا مشتاق عضو يستحق التميز ماعاد أنا مشتاق عضو يستحق التميز ماعاد أنا مشتاق عضو يستحق التميز ماعاد أنا مشتاق عضو يستحق التميز ماعاد أنا مشتاق عضو يستحق التميز ماعاد أنا مشتاق عضو يستحق التميز ماعاد أنا مشتاق عضو يستحق التميز ماعاد أنا مشتاق عضو يستحق التميز ماعاد أنا مشتاق عضو يستحق التميز ماعاد أنا مشتاق عضو يستحق التميز ماعاد أنا مشتاق عضو يستحق التميز
بيانات اضافيه [ + ]
انتحرت بعد ماضاع حسام وماتت حصة



[size=7]هاذي القصة جرت احداثها مع صديق ابن عمي عمر و حبيت انقلها لكم وحبكتها كأن صديق ولد عمي هو اللي كاتبه جداًرووووعة اليكم
اليوم تجمعوا شيّاب الحاره عند الوالد وقعدت اقهويهم وكل ما قضى شايبن من فنجاله زندته بالثاني وعقب ما كيّفوا ولا عليهم بالخير جلست جنب شايب ويحط يده على ركبتي ويرفع شوي على فخذي ويسألني انت موظف وانا عمك؟
.. طيب وخر يدك علشان اعرف اجاوب والله يا عم انا شغال بشركه .. افااا يا ذا العلم شغال بشركه وخر وخر لا تجلس جنبي وانا احسبك عسكري !!
ليه ناوي على سلف يبو الشباب ترى ما أسلّف ..
طيب وكم راتبك؟؟
.. نزلت عيني للأرض تسنه قالي وش اسم امك راتبي 1500 .. وراه الراتب قليل؟! .. الله البلشه ذا الشايب حاطن عيني على بنته وعقب ما درى عن راتبي عزالله بنته بتطير من يدي .. شف شف ياعم ترى صحيح راتبي قليل بس انا مرتاح نفسياً والراحه النفسيه اهم من الدراهم ويمديني افك بيت واثثه واشتري موتر مير انت توكل على الله و شف راي البنت
قال : هاه وش تقول ؟!
قلت ابد الله يسلمك
واستاذن منهم وانا كسير الخاطر <<< محدن درى عنك يبن الحلال بس كمّل
واروح غرفتي واقعد اضرب بيدي في الجدار .. ليه ليه ياربي ليه وانا وش سويت بدنيتي !! موظف بشركه .. قلت ما يخالف .. راتبي قليل .. وقلت ما يخالف ..وحسام خويي يسحب علي وصار يسهر مع شلة سرابيت قلت ما يخالف ... لكن تطير حصه من يدي لا لا لا... انا لازم انتحر ... واربط شماغي بالمروحه وارقى على كرسي والّف الشماغ على رقبتي وقلت بكل رباطة جحش
اشهد ان لا اله إلا الله وانا محمد رسول الله
ثم ادف الكرسي برجليني واطيح على الأرض و تنخلع المروحه من السقف وتصفق براسي
( يلعن امها ما ثبتوها زين) < البلا منك يالدب
ناظرت الجدار .. قلت مالي إلا اجي مدرعم ثم اصفق راسي فيه واموت ... واطلع الشارع علشان يوم اعدي وانا ماخذ مسافه تصير الصدمه بالجدار قويه وافكها سبرنت من الشارع وارقى الدور الاول والثاني الين وصلت التاسع ( وين يبو الشباب بالفيصليه؟ ) علشان اصدم بجدار غرفتي وكمخخخخخ بالجدار ثم اهده واخش على خواني بالغرفه الثانيه مادريت إلا وانا بحضن امي ومافيني شي يلعن ام القهر ما مت .. امي تسألني وش بلااك يالمطفوق هديت جدار البيت .. اقول وخري انتي سبب تعاستي بهالدنيا .. لو انتس متزوجتن واحد فلسطيني يمديني هلحين دافور بالدراسه ...ولا متوظف احسن وظيفه بـ10000 ريال
واخش غرفتي مع الجدار المكسور
هلحين شلون انتحر؟ ... وافك دريشة الغرفه واناظر للسيارات من الدور التاسع تقل نمل يمشي على الأرض والسكه تقل شخطة قلم اسود اشوفه من بعيد حتى مااشوف الناس تحت لأن السحاب حاجب الروئيه << شف غيرها قبل شوي تقول مثل النمل
قلت بس.. هذا الحل الوحيد اللي يخليني ارتاح من العذاب اللي عايش فيه وارقى على الدريشه ثم اطلع رجليني وامسك حافة الدريشه بيدي تسني ابطب من حوش المدرسه واقعد ساعتين انزل رجل وارفع رجل واناظر تحت يـُمه وش بيصير فيني اذا حضـّرت بالرصيف ؟ وقسم اتقطع عشر اوصال واصير خط مشاه .. يووه يالحسة المخ .. عاد الناس يوم شافوني من الدور التاسع تجمهروا تحت والدفاع المدني يصارخ بمكبر الصوت تعوذ من الشيطان يبن الحلال واللي تبيه بنسويه لك .. قلت ايه هين عشر ملفات عندكم ابي وضيفة جندي ما لقيتها حتى لو مسكتوني لّي الماء ولا ذا المكبر اللي تنادون منه وش بتخسرون هاه وش بتخسرون ؟
معليش يا عسكري تراي منتحر منتحر والله لا يعوق بشر بس انتم وخروا عن الرصيف كود اطب على واحد منكم ثمن يموت وتتهموني بقتله تراي مافيني حيل للسجون والمرمطه وانا انسان محترم ماعمري دخلت اقسام شرطة ولا طلعت جمس الهيئه .. وش تبي الناس يقولوا عني هاه ؟
وبعدين لو هونت وغيرت رايي اكيد الناس المتجمهرين بيقولوا ذا بزر وماعنده سالفه << خذ تفكير عيال صبيا
قلت اشهد ألا اله إلا الله واشهد ان محمد رسول الله
واصارخ على المتجمهرين الملتقى الجنه الملتقى الجنه << وين يبو الشباب طاب على الفلوجه
واطب من الدور التاسع وانا نازل منه الى الثامن وبعدة السابع وبعدة السادس وبعدة الخامس وبعدة الرابع<<<<<<<<<<<<راعي طويلة
>>>>>>فرح انه يعرف يعد 00وصلت لدور الثالث ثم الثاني ثم الأول ما بقى بيني وبين الأرض غير 10 متر واناظر بالأرض إلا وانا محظر في كبوت مرسيدس واهشم الكبوت ،،، تقل صادم له في حاشي
وتنفقع كفرات السياره ويتكسر القزاز ويموت صاحب السياره
ويغمى علي و يرفعوني المتجمهرين
و يسدحوني على سرير الاسعاف ثم يركبوا لي الاكسجين
وشوي فتحت نص عين والناس تنادي الله واكبر الله واكبر
وافتح عيني الثنتين واناظر في الإسعاف من جوّه ..واتمتم بصوت واطي لا عدمتك يابووي دفنتني في قبر مكيّف .. ايه هلحين الواحد يرتاح من العذاب اللي عايش فيه
.. إلا وسواق الاسعاف يمسك بيدي ويقلي الحمدلله على السلامه .. الله لا يسلمك وش فيك يااخي لايكون بعدني حي والطم نفسي كف حسيت بألم يلعن ام القهر ما مت وافك الاكسجين من فمي وامشي لوايت الدفاع المدني وانسدح تحت الكفر واقول للعسكري انتسان فيك خير انت وابوك ادعسني يا حيوان اصلا انت وابوك واللي ربوك كل ابوهم ما يسوون نعالي . ياكلب يا خسيس .. ادعس يا جبان ادعس << الطمه كف احسن؟
والسواق رافض .. قلت انا اوريكم يا عيال اللذينا... :
واطلع الوايت وافك غطا الخزان واطب بداخله ويصفق راسي بقاع الخزان اثره فاضي مابه مويه
يلعن اشكالكم افرضوا اني يوم طبيت من الدور التاسع وصفقت بالسكه وطلعت ( شراره ) ثم احترق الشارع باللهي شلون تطفوا الحريقه؟ والله لشتكي لــ نايف بن عبدالعزيز << انحاشوا جاب العيد
واروح البيت مطئطئ الراس افكر بهذا الموت اللي لم يأتني
واقعد افكر وافكر ( يبي يقنعكم ان معه مخ )وافكر وافكر وشلون اموت ؟
واقعد افكر وافكر وافكر << خلاص يبن الحلال اقتنعوا ان معك مخ وجالس تفكر
وافكر وافكر .. هاه اقتنعتوا ولا بعد افكر؟
و انسدح على سرير غرفتي وانظر في محل المروحه المخلوعه ثم امسك القلم والورقه وكتبت ما يلي
مدير شركتنا ............................. الله لا يحفظك
طيرت من يديني حصه
واما بعد
شوف يبو الشباب لا تحسب نفسك خلاص مدير يعني بخاف منك وما راح اقدم على زيادة راتب وقسم بالله لو ما قبلت معروضي لا اتوطى في بطنك وفي بطن امن جابتك انت سامع ولا لا؟
مديري الخسيس ترى تعبت وانا كل يوم اداوم 12 ساعه وياليتني قاعد على كرسي إلا كارفني بذي البوابه نزل عامود وارفع عامود نزل عامود و ارفع عامود ويا كثر السيارات اللي رايحه جايه وانا رافع نازل .. نازل رافع
حتى شف يديني متمغطه تسنها كراعين حاشي .. بللاه هذي يدين انسان؟
حتى اجازتي يوم السبت!! قلّي من ذا الثور اللي يسهر يوم الجمعه صباح السبت ياخي انا بسببك ما صرت اسهر مع اخوياي ،،،وفقدت علاقتي مع ناس كثيرين لأن ماعندي اجازه يوم الخميس .. تصدق حتى ملاطيم ابوي ولهت عليها لأني ما صرت اشوفه مثل اول ... حتى ان ودي اقابله ويلفعني بذاك الكف اللي يهد ضروسي يااخي حتى خدي صار يحكني له مده ما ذاق الكفوف
شوف يبو الشباب وقسم بالله لو ما قبلت معروضي لقعد لك برى الشركه وابن امك تطلع لحالك وربي ياشيخ لدعسك ،،، مديري اللي مهوب فاضل ولا راح يكون فاضل إلا اذا زوّد راتبي خذ آله حاسبه واحسب معي الراتب
اقول خذ آله حاسبه لا تجلس تقرى الله يلعن امك
1500 ريال نقص منها 150 ريال قيمة التتن هذا اذا افترضنا ان كل يوم بكت ،، 1000 ريال للشايب 200 للوالده << وراك بخصت بحقها
يبقى 150ريال قيمة صحن مندي في اول يوم استلم الراتب بللاه انت ماعندك رحمه؟
شلون ابتزوج حصه وادفع لابوها المهر ووشلون استاجر بيت واثثه ؟ يااخي اعتبرني ولدك ( آآه ياليتني ولدك يا أخي أنت ليه ماتتزوج امي قبل ما ياخذها ابوي ؟؟) وللمره الثانيه اكتشف ان مافيك خير .. ياخي شف حل لمشكلتي تراي منيب اتشحدك
... يا انت رجالن تزود راتبي يا رجالن قل ماتبي تزوده علشان احوسك بذا المكتب همن اتوطى في بطنك قدام الموظفين ولا تجلس تقلي انت غياباتك كثيره وتتأخر عن الدوام،،، انت منتب افضل مني،،، تتاخر وتغيب وكلنا عيال تسعة اشهر ،،،
وما حلفتني يمين اني بغيت انتحر بسبب هذا الاجحاف والظلم اللي يجي منك ،،،، يا مديري اللي مهوب فاضل اقرى معروضي ذا بضمير الإنسانيه وعيون الرحمه والشفقه وشف حالة ذا البغل اللي واقف قدامك ناظر وجهه الطويل بالأمانه ما يستاهل الشفقه ؟ يااخي انت دراهمك كثيره بللاه وش بتخسر لو زودت الراتب ؟!
شوف يبو الشباب ترى اخلاقي قااااااااافله يمين الله لو عفست ذي الورقه ونطلتها بالقمامه لأعفس وجهك واعطيك بالجزمه... انت فاهم ولا لا؟ بالأمانه يرضيك شايب مخرف مثل ابو حصه يستهزء فيني قدام الشياب !! ويقلي وخر وخر لا تجلس جنبي عشاني موظف بشركه ؟ ترى انا ماابي اكثر كلام لا تقبل هذا المعروض وشف وش يجيك ،،
واذا في امك خير ( اندرلي برى )
وفي الختام
احلق شنبي لو زودت راتبي
مقدمة المنتحر سابقاً / ما عاد أنا مشتاق
وعقب ما خلصت من كتابة المعروض طبقت الورقه واحطها بجيب البدله وانام ولا علي بالخير واصحى الصبح بدرري والبس بدلة العمل واشد الكندره وادرعم للشركه واستقعد للمدير عند البوابه الين جا وانا منزل العامود .. قالي ارفع .. منيب رافع .. ارفع .. اقول منيب رافع .. طيب ليه وش بلاك ماترفع العامود .. قلت ابد مسوي اضراب
.. هين انا اتفاهم معك وينزل من سيارته ويرفع العمود ثم يلبق سيارته في المواقف ويدخل الشركه ويفتح باب مكتبه ( وانا وراه من غير مايدري ) دف باب المكتب وهو خاش ثم ينصك على خشمي ... جلس على الكرسي وانا محظر قدام المكتب وناطل عليه المعروض .. تمتم في وجهي يالله صباح خير
ويقرى المعروض وعيونه مفنجله .. شفت على المكتب دباسه و سكين اللي تقطع الاوراق كلهن جنب يده انتظر بس متى يهفني بوحدتن منها وكل شوي احرك راسي مره يمين ومره يسار علشان اموّه اذا صفقني بها << دجاجه حتى في احنك الأمور .. مد يده على المناديل .. وأنخش تحت مكتبه وأقله تكفى وللي يرحم امك تراي كتبت معروضي وانا بحالة غضب
و مسح دموعه بالمناديل ثم مسك القلم وجالس يشرح على معروضي بس منيب شايف وش قاعد يكتب واخذت الورقه من يده واقرى ( زودوا راتب ذا المسكين ووصلوه 5000 ريال مع تحمل الشركه كافة مصاريف زواجه )
من الفرحه جتني سكته قلبيه وانكب على مكتب المدير ميت
ثم انطلقوا بي للمستشفى ويتصلوا على الوالد ويجي المستشفى عقب ما سوو لي تشريح علشان يعرفوا مسببات الوفاة ويرفع الشرشف من وجهي وانا ميت حتى بالأماريه لساني يدودل من فمي
وياخذني ابوي واخوي لمغسلة الموتى علشان يغسلون..,ولساني متدودل (مثل ماخبرتكم سلفاً). وابوي يبكي رحمة الله عليك يا وليدي والله يا كنت ابنن بار مهب مثل ذا الثور اللي عندي<< يقصد اخوي وكنت رجالن سنافي ( وين ذا الحتسي اللي ما سمعته وانا حي؟ )وأخوي يرغي فوق راسي أزعجن ماكنه امس ملفعني لين حبيت القاع ؟. )
(عاد انا ميت مثل ما تخبرون مدري عنهم
اماااا لساني مدري شلون سحب وخش بحلدزي ) << قل قسم؟
ابوي وهو يبكي والله ( ذا ابنن بار ) بس شف شف لسانه كل شوي يدخله بفمه؟ اخوي ايه ايه مثل ما تعرف يا بوي الميت تراه يصغر يصغر لين اخر شي يبقى فيه العصعص >>>>اخس يا لفاهم
المهم لبسوني الكفن ويحملوني للمقبره ويسدحوني قدام القبر ويجي الإمام يبي يصلي علي ويا دوب كبّر وانا اللي اقوم ما فيني شي .. الإمام فق خشته بكل فهاوه يـُمه جني جني وينحاااش ما تشوف غير غباره تعج وراه حتى من الخوف ما انحاش مع الباب إلا طب من فوق سور المقبره
وروح لابوي واخوي منهبيلين وعيونهم شاخصة واقولهم
انا بس كان مغمى علي وتسان بيدفنوني وانا حي ... وأزهمه يبه يبه بس وييييين مصنمين هو واخوي مو مصدقين اللي يشوفونه !!
ويناظروني وبعدها إلاوابوي واخوي فطسوا ( راحوا ملح ) ونص اللي بالمقبره انحاشوا والنص الثاني مات من لحسة المخ... وش اللي ميت ومكفن وقدام القبر ونصلي عليه ثمن فجأه يقوم ولا كأنه مات
وارفع يدين اخوي قوم قوم يبن الحلال وش فيك وهو معطيني اشكل ما يرد واحط اذني على قلبه إلا والرجل صدز راح ملح،، توفى الله يرحمه وأدهر للبيت عقب ما قلت للحارس صل عليهم وادفنهم واروح لأمي اعدي اعدي يمه يمه انا حي انا حي ناظرت فيني وتفطس علي .. يلعن ام القهر وش بلاهم ذولي كل ابوهم ماتوا؟
وادرعم لعمي ابو حصه ابي ابشره ان راتبي صار خمسة الاف ريال واول ما شافني شهق ثم مات قلت اشوى ما نشدني عن المهر عساني عقب موتته اتزوج حصه بلوشي مير خني اشوفها كود الله يهديها ونروح للمملك وأول ما شافتني لحقت ابوها وماتت واروح لأم حصه وماتت :( ورحت ابلغ على نفسي بالشرطه وكل ابوهم ماتوا رحت الهيئه وماتوا رحت عند جدتي وماتت اشوى مابغت تموت: واروح لجدي ومات واروح لمديري بالعمل ومات :o
امااا اللي كلهم ماتوا اكيد فيني شي انا مدري عنه واروح لبيتنا وادخل غرفتي واناظر بالمرايه واول ماشفتني تعلقت بالمروحة من الخوف ...وش فيني صرت هيكل عظمي:eek:
اناظر بطني مهنا كرشه... ولا معده... ولا قيلون... ولا امعاء دقيقه... ولا غليضه ...
وين راحت ذي كلها؟؟ ما مدى الدود ياكلني .. يا حسافه عقب ما كنت مربرب صرت هيكل عظمي وش ذا الحظ الأقشر :eek:
.. جلست في غرفتي حزين مكسور الضلع (وش تبوني اقلكم مكسور القلب ؟ وانا هيكل عظميانتحرت ماضاع حسام وماتت rolleyes.gif
.. اول وش زيني نص شنب تسني هتلر وهو صغير وعيوني اللي يشوفها ما يدري انا مغمض ولا مفتح ;)
لو اعطس تناقزت .. والحين يوم اقعد ولا اقوم ولا امشي اسمع حكحكة عظامي وهيي تدقر ببعض تسني ماسكن منشار وانشر خشبه .:p
صحيح لا طاح الجمل كثرت سكاكينه
اقول اخرتها وقفت من الدور التاسع بيتنا ومن الدور لدور والى وصلت الارض واخيراً مت مابغيت اموووت :(
لكن بعد ان ضاع حسام وماتت حصة:mad:
ان شاء الله اعجبتكم والباقي من تاليفي وحسب ماطلع من مضمون القصة
ما يستفاد من ذي الخمبقه
بعض الشباب هداهم الله من اصغر المشاكل وابسطها يفكروا بالإنتحار تسن ماهنا حساب بالقبر ويوم القيامه!! وبعد المفروض من كبار السن يشجعون الابناء على الانخراط في القطاع الأهلي حتى ولو كانت المغريات بالنسبه للحكوميه لا تذكر و مع مرور الوقت سيكوّن هذا الشاب المتوظف بالقطاع الأهلي مستقبل وآفاق واسعه لا حدود لها سواء بالتجاره او بغيرها من المجالات بعكس الحكومي وخاصه ( العسكري لأن حياته العمليه ستبقى محصوره في مجال عمله ولا يستطيع حتى ان يفتح سجل تجاري او امتلاك سيارة لومزين ( وانا صادزه بذا الحتسي ) :D <<<<<الاخت اخذه خبرة بهالكلام من اخوانه ههههه
وأياني واياكم سوق الأسهم لأنه مقبره الأغنياء ومحرقة الفقراء >>>>>
الاخت متأثرة من العائلة بسب الخسارة الفادحة التي لحقت الاسرة الكريمة
وفي الختام
وآسفه على الإطالهانتحرت ماضاع حسام وماتت rbs.gif$$
[/size]


hkjpvj fu] lhqhu pshl ,lhjj pwm




المصدر : منتديات روعة احساس - من روعـ رصيف المرح ــة







قديم 2006-12-13, 09:40 AM   #2
مشرفه سابقه


الصورة الرمزية صرقوعه
صرقوعه غير متواجد حالياً

بيانات اضافيه [ + ]
 رقم العضوية : 94
 تاريخ التسجيل :  Apr 2005
 أخر زيارة : 2015-08-07 (08:45 AM)
 المشاركات : 3,149 [ + ]
 التقييم :  11047
 SMS ~
سبحان الله وبحمده
عدد خلقه
ورضا نفسه
وزنة عرشه
ومداد كلماته
لوني المفضل : Lightcyan

افتراضي



ههههههههههههههههههههههههههههههه
ههههههههههههههههههههههه

هههههههههههههههههههههه

ههههههههههههههههههههههه

هههههههههههههههههههههه
ههههههههههههههههههههههه

هههههههههههههههههههههه
ههههههههههههههههههههههه

هههههههههههههههههههههه

ههههههههههههههههههههههه

هههههههههههههههههههههه
ههههههههههههههههههههههه

هههههههههههههههههههههه
ههههههههههههههههههههههه

هههههههههههههههههههههه

ههههههههههههههههههههههه

هههههههههههههههههههههه
ههههههههههههههههههههههه

هههههههههههههههههههههه
ههههههههههههههههههههههه

هههههههههههههههههههههه

ههههههههههههههههههههههه

هههههههههههههههههههههه
ههههههههههههههههههههههه

هههههههههههههههههههههه



قصه تووحفهـ .. الاتفحـ منها اسسلوب حساام ..



يكسسر الخااطر والله اني مت ضحك على اسسلوبه الغبي ..


احس انه فصلهـ ..

بس حبذا لو كان صااحب هالكتابه معناا . انشهدنه يعجبني ..

الكاتب اسسلوبه يضحك غبي غبي هع هع ..




بداية مووفقه مرره ,,


مزيد من التصرقع والهبااال ..




تحيااتي


صرصر



 

موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ماضاع جميلٌ أينما زرعا [خلفيات آيفون] mhbolh rsmy روعـة هسيس اتصال و ملتـقى هواة البلاك بيري 10 2012-11-18 09:06 AM
حبها بدون مايشوفها وماتت يوم شافها (قصة واقعية) ملكني غلاك كنف القصص والروايات و ق ق ج 1 2010-10-05 01:56 PM
انتحرت بسبب راشد الماجد .....؟؟؟ ملكة الشموخ كنف القصص والروايات و ق ق ج 7 2010-10-01 05:16 PM
قصة فتاة كويتية مثقفة انتحرت والسبب.......... رينادا الصغيره كنف القصص والروايات و ق ق ج 5 2007-11-17 10:17 PM


New Page 1

Twitter

Facebook

Rss


RSS | RSS2 | XML | MAP | HTML



هذا الموقع يستخدم منتجات Weblanca.com
مجتمع ريلاكس
HêĽм √ 3.2 OPS BY: ! ωαнαм ! © 2011-2012
new notificatio by 9adq_ala7sas
جميع الحقوق محفوظه لمنتديات روعة احساس

Security team

SEO 2.0 BY: ! Dreams.Com.Sa ! © 2010
تطوير وارشفة الاحلام ديزاين
مجموعة الاحلام ديزاين