العودة   منتديات روعة احساس > روعــة طلعٌ نضيد > روعة ذخائر السنونو :: ذائقتكم

 

روعة ذخائر السنونو :: ذائقتكم ذَآتْ أمسَيةْ شَرقيةْ .. تِشَعْ ومِضَآتْ الفِكَرْ مِنْ نٌجِومِهَآ ..!

 
 
أدوات الموضوع إبحث في الموضوع انواع عرض الموضوع
#1  
قديم 2006-10-29, 04:49 PM
المـزوون غير متواجد حالياً
SMS ~
سبحان الله وبحمده
عدد خلقه
ورضا نفسه
وزنة عرشه
ومداد كلماته
لوني المفضل Lightcyan
 رقم العضوية : 1017
 تاريخ التسجيل : Oct 2006
 فترة الأقامة : 4218 يوم
 أخر زيارة : 2009-07-20 (08:14 PM)
 العمر : 32
 المشاركات : 2,205 [ + ]
 التقييم : 21100
 معدل التقييم : المـزوون عضو يستحق التميز المـزوون عضو يستحق التميز المـزوون عضو يستحق التميز المـزوون عضو يستحق التميز المـزوون عضو يستحق التميز المـزوون عضو يستحق التميز المـزوون عضو يستحق التميز المـزوون عضو يستحق التميز المـزوون عضو يستحق التميز المـزوون عضو يستحق التميز المـزوون عضو يستحق التميز
بيانات اضافيه [ + ]
كيــف توصف المــطر .. ماضووع حبتيـــــــــن



هالووووووووووووووووووووو

الســـلااااااااااااااام عـــلااااااااااااااااااااااكم ..

ياللـــــه انــك تحيــــهم ارحبووو بووو ..

واللــه انا جايبتلكم .. مااضووعن مااشن بــحلا منووه ...

يقوول ..
كيف توصف المطر وتنقل علومه ...


موضوعنا يتكلم عن كيف تنقل علوم المطر والخير بذرابه وبوصف يكون دقيق وفي محله

من اكثر الاشياء اللي تنتقد الشيبان في شباب ذا الايام هي جهلهم في بعض الاوصاف والمصطلحات اللي استخدامها يعتبر في بعض الاحيان مامنه بد

ومنها كيف تنقل علوم المطر والخير خاصه ان جيتهم من ديره بعيده او رحت عساس او كشات راح تواجه السؤال التالي ::

وش وقع الارض وش علومها وش علوم المطر أرب الارض ممطوره خاصه اذا كانو يتحرون الخير

وهنا لازم تكون ملم في بعض الاوصاف والمصطلحات اللي تعتبر مقياس... لانك مو معقوله تقوله واجد او شوي لان الواجد والشوي وصف عام ولا يشفي قلب النشاد واذا اللي يسأل شايب تلقاه يا بيصد عنك والا يمكن يقولك منتب من اهل العلم ومراحك زي مجيك

نبدا في الاوصاف بترتيب في مايخص المطر




اوله هو مصطلح " مابل الدمن " وتتبعها بقول من هالاقوال ماعند الله بزهيد او الله يجيب الخير

والمصطلح هذا يرمز الى ان المطر كان قليل لدرجة انه الله يكرمكم ما بل الدمنه

وينقال بطريقه هاذي

والله مامن مطر يذكر رشه مابلت حتى الدمن وماعند الله بزهيد والله يجيب الخير ويرزق المسلمين


الثاني " دم الارض " وتتبعها بقول من هالاقوال ماعند الله بزهيد او الله يجيب الخير

والمقصود منه انه بل الارض حتى تساوى لونها وصار شيفة الارض دل انها مبلوله

وينقال بطريقه هاذي
والله مامن مطر يذكر رشه دمت الارض وماعند الله بزهيد والله يجيب الخير ويرزق المسلمين


الثالث هو ::: " شد الوطي " وتتبعها بقول من هالاقوال ماعند الله بزهيد او الله يجيب الخير

وشد الوطي هو انه الارض مايظهر بياضها اذا وطيت سواء كانت وطيت ادمي او مطيه او غيره ولو حفرتها بتلقى ان الماء
يكون ماتعدى نص الكف هذا يقاله شد الوطي اما اذا تعدى له وصف ثاني

وينقال بطريقه هاذي

اللهم لك الحمد جتنا رشة طيبه ولحقت شد الوطي وان طرح الله فيها البركه وجاها رجع و ولي طيب بتحل بركتها

مقايس الحفر وهي للارض الدماث الرمليه اما الصخريه لها مصطلحات ثانيه
بعد هالمصطلحات يجي مقياس الحفر والواحد ان كانه داري انه بيوجه احد من ذا الشيبان لازم يتجهز له بالعلوم اللي تسره ولازم تحفر وتشوف الحفر واذا زاد عن نص الكف او لحق الكف يذكره لهم

وينقال بطريقه ذي

جانا مطر زين وحفره لحق الكف او دونه شوي واذا امكن يعلمهم بحدود المطر .. وهم بيقولون حدوده وين وش دياره هنا يا انه يقول كذا وكذا والا يقول والله ماعلمنا بحدوده ولا واجهنا المخبر ويخلص نفسه

وبعدين الحفر اللي اكثر من الكف هو ملتحم الذراع وهو الرسغ في المنطقه اللي يغيب فيها العظم

وينقال جانا مطر طيب وحفره ملتحم ذراع دونه او زود شوي والله يجيب الولي وترجع الارض


وعقبه حفر الى الكوع

وينقال كذا

المطر معاد عنه منشود جانا مطر طيب وحفره حول الكوع والله يطرح فيه البركه ويرجع الارض

وجملة ماعاد عنه منشود هي كنايه ان الخير جا ولاعاد تنشدون عن حفر ولا غيره في الامطار اللي بتجي عقبه لان الارض بتنبت ولاهيب محتاجه الا اللي يقوي عود النبت وهذا اقل شي يكفيه وكل قطره بها حيا

الحفر اللي ازود من الكوع مبالغه ولا له داعي وضياعه من راعيه <---------- شايب يوم سمع ولده يقول يبه الحفر مترين

وصف السيل في الارض الرمليه

سالت وانقعت الارض والمقصود هنا مهيب مواطي الارض لا تخربطون بينهم المقصود الارض المستويه تكون فيها نقع يعني حار الماء والارض روت ... وملاحظه مهمه ترى اللي بيطالع المواطي والا النقع اللي حول الزفلت بيكون علمه مهوب دقيق الان الما يتجمع حول الزفلت لو ينزل ادناة الدون

ويقال في الوصف له وقياسه سيل اظهر روبة الارض ( من جريان الماء في الارص وفي روس الصياهد يطلع الرمل الناعم الابيض ويقلب الارض )

ويقال في اقوى درجاته فتق الجحور وشق روس الصياهد انه من قوتها هدم الجحور وسو مجاري ماء في المنحدرت من روس الصياهد

اما الارض العزاز والصخريه يقال حار الما وزاعته الارض وامتلت الخباري وسالت الشعبان
ومن صعب وصف الارض الصخريه لانه صعب الحفر بس عين الخبير تعرف توصف لانها تغر الواحد



(( وجعل يسقى أذا جاء المطــــر..))


اميــــن جعله يســقى المطر .. ياويل حالي ويلاااااااااااااااااه ...

<< متحمستن للربيع .. الله يستر ... هههههههههههههههههههههههههههههه
نيهاهاهاها ..


وتحيــــــــــــــاتـــي ...

المــزوون ..



;dJJt j,wt hglJJ'v >> lhq,,u pfjdJJJJJJJJJk




 توقيع : المـزوون

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ

 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
كيــف أهوى ..! هذيان الروح روعة صرير قلم 22 2014-05-10 01:26 PM
كيــف تــصبــح رجـــل جــذآب مسافرة بلا هوية هِندام آدم والرياضة 0 2012-02-27 11:23 PM
كيــف لا تشعر بــآلعطش في رمضــآن ღ روحي تحبكـ ღ روعة أصداح الحق إسلاميات 11 2011-07-30 03:18 PM
يــآآمســآفر كيــف اسسمعــك؟! Noooney روعـة معراج الحداثة واليوتيوب 13 2011-02-15 06:02 AM


الساعة الآن 06:01 PM

RSS | RSS2 | XML | MAP | HTML


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
هذا الموقع يستخدم منتجات Weblanca.com
HêĽм √ 3.2 OPS BY: ! ωαнαм ! © 2011-2012
new notificatio by 9adq_ala7sas
جميع الحقوق محفوظه لمنتديات روعة احساس

Security team

SEO 2.0 BY: ! Dreams.Com.Sa ! © 2010
تطوير وارشفة الاحلام ديزاين
مجموعة الاحلام ديزاين