العودة   منتديات روعة احساس > روعـ سياج النون ومايسطرون ــة > روعة تلاوة حـرف

 

روعة تلاوة حـرف يضم الروايات و القصص بأنواعها و ق ق ج .. ممنوع المنقول

 
 
أدوات الموضوع إبحث في الموضوع انواع عرض الموضوع
#1  
قديم 2010-08-17, 09:52 PM
آنثى رقيقه غير متواجد حالياً
SMS ~
سبحان الله وبحمده
عدد خلقه
ورضا نفسه
وزنة عرشه
ومداد كلماته
لوني المفضل Lightcyan
 رقم العضوية : 11337
 تاريخ التسجيل : Aug 2010
 فترة الأقامة : 2808 يوم
 أخر زيارة : 2011-03-16 (07:44 PM)
 المشاركات : 2,133 [ + ]
 التقييم : 21100
 معدل التقييم : آنثى رقيقه عضو يستحق التميز آنثى رقيقه عضو يستحق التميز آنثى رقيقه عضو يستحق التميز آنثى رقيقه عضو يستحق التميز آنثى رقيقه عضو يستحق التميز آنثى رقيقه عضو يستحق التميز آنثى رقيقه عضو يستحق التميز آنثى رقيقه عضو يستحق التميز آنثى رقيقه عضو يستحق التميز آنثى رقيقه عضو يستحق التميز آنثى رقيقه عضو يستحق التميز
بيانات اضافيه [ + ]
7 آنثى ولاكن ...........



قصــــه روووعـــــه بمعنى الكلمـــه وتحصــــل كثيــــر .. هي صــح طويلـــه بس آتمنى تكملــــوهأ .. وتقولولي رآيكم ,, آنثى ولاكن ...........
ريناد / جواد

اسمين لشخص واحد !!

كيف ؟؟

تابعوا معي أحداث هذي القصة




(
1
)



ريناد .. بنت فائقة الجمال عمرها 20 سنة تخرّجت من الثانوي (ونسبتها ماأهلتها لدخول الجامعة
)

هي أحد أفراد عائلة تتكون من 4 أولاد وأم وأب
هي (
البنت
) الوحيدة بالأسرة

كانت مُرفّهــهـ جدا وطلباتها أوامر

ومع كل الترفيــهـ اللي كانت عايشة فيــهـ
إلا إنها كانت تعاني من فراغ قاتل
الكل مشغول بنفسه ، مافيه أحد بالبيت فاهمها

كانت تشغل وقتها بالنت / بالطلعات والروحات والجيّات .. كانت ماخذه راحتها عالآخر

بس مازال الفراغ ينهش أيامها ، تبي شي جديد ، تبي أي شي يغير روتين حياتها










أم ريناد :
ريناد اليوم أنا معزومة على زواج بنت وحدة من صاحباتي
تجين معي ؟


ريناد : لا يمه انتِ عارفتني مااااأحب الزواجات وإزعااااجها

أم ريناد : أوكي أنا الحين بأروح المشغل


ريناد : الله معك


انسدحت بسريرها
وفتحت اللابتوب
دخلت المنتدى اللي هي مسنتره فيه 24 ساعة

كان النك تبعها >>
أجهلك !

جلست تتصفح المواضيع الجديدة
ردت على كم موضوع أعجبها

بعدين انتبهت إن فيه عندها إشارة تنبيه ماشافاتها

راحت تشوفها لقتها :
رسالة خاصة

من : إفهميني

مساء الخير

يابنت من زمان عنك

بس حبيت أسلم

طمنيني عنك يالغلا





قرت الرسالة

وكتبت له رد عالسريع :

أنا بخير عساك بخير
انت كيفك ؟
تراني أنا دايم موجودة
بس انت اللي غيباتك كثيرة (:



أرسَلَت الرسالة

وجلست تكمل فرفرتها بالمنتدى


كثيرين بالمنتدى يحاولون يطلبون ودها
بس هي مقفله جميع السبل للوصول لها
ومااااتسمح لأي عضو يتجاوز حدود (
الأخوّة
) معها

ماكانت تحمل أي شعور خاص ناحية أي عضو
الجميع عندها سواسيا

باستثناء العضو (
إفهميني
) كانت ترتااااح له مررره
وتحس إنه (محترم
/
وعارف حدوده) !!

كانت ترتاح للسواليف معه
ودّها تفضفض له
فيه حكي كثير بداخلها
بس كانت تبي إذن تسمعها !






قرت موضوع في قسم الفرفشه لـ العضو : (
إفهميني
)
تسدحت من الضحك لما قرت موضوعـهـ
ردّت عليــهـ

وكمّلت جولتها بالمنتدى





الأيام مثل بعضها
روتين
ملل
وفراغ قاتل

وعلاقة ريناد بـ العضو (
إفهميني
) بدَت تتطور شوي شوي

كانوا جالسين يسولفون بالخاص (
بالرسايل الخاصة
)


إفهميني :

يادوبا تراي للحين ماعرفت اسمك ؟؟


أجهلك :


دوبا بعيــنـك ):
انت ماسألتني من قبل
والا كنت بأجاوبك
اسمي ريناد
انت وش اسمك ؟؟



إفهميني :

عاشت الأسامي ياريناد

اسمي عادل





أجهلك :


عاشت أيامك

قبل كم يوم قريت لك مشاركة
تشتكي فيها من مديرك بالعمل
وتقول انك تتوقع الطرد بأي لحظة !!

خير وش صاير ؟؟



إفهميني :


هالمدير متقصدني بشكل ماتتصورينه
يكرهني وحااااقد علي
لأني مو جالس أجاملة بالحكي مثل باقي الموظفين ولا أدهن سيره !!
عشان كذا هو يستنى علي أي زله



أجهلك :


يـــوهـ الله يعينك

إفهميني :

وانتِ تدرسين ؟؟


أجهلك :

لا
تخرجت من الثانوي
وجلست بالبيت




إفهميني :

كم نسبتك ؟




أجهلك :


ليــهـ الإحرااااج خخخ

نسبتي 75

وأصلا أنا مااااابي أدرس << عااااش مفقّش خخخ



إفهميني :


وكيف تقضين وقتك ؟؟



أجهلك :

بالنت والأسواق والنوووم

إفهميني :

ماتملين ؟




أجهلك :

ذااااابحني الملل
(فيس يبكي)
آنثى ولاكن ...........




إستمرت علاقة ريناد بعادل .. على ماهي عليه
تجمعهم صداقة محترمة



اللي أعجبها بعادل
إنه مو مثل باقي الأعضااااء ..!

يعني ماتحس إنه ميت عالبنات
والا رااااعي غزل

وأكبر دليل إنه للحين ماعرض عليها ايميله ولا رقمه !!!

بينما باقي الأعضاء ماااايحتكون فيها إلا عشان نزواتهم الخاصة !!
عشان الإيميل أو رقم الجوال !!





من كثر ماهي مرتااااحة لعادل
كان ودها تفتح له قلبها
وتقول له عالمشكلة اللي معكرة حياتها !!


لكنها خاااايفة / مترددة / ومو عارفة من وين تبدا و وش تقول ...!

( 2 )


عادل (
موظف في قطاع خاص
)

عمره 24

يدخل النت في أوقات فراااغة

ابتدا يتعلق بالنت وخصوصا (
منتدى
....)

من بعد ماعرف |
ريناد
| ..!

هو مايحمل لها بداخلة إعجاب أو حب أو أي شي من هذا القبيل

لكن ..
يرتاح لها
!!





كان مع خوية فهد بالمقهى

عادل :
دقيقة يافهد بـ أشيك عالمنتدى
ثواني ماراح أطول


فهد :
وش فيك مخبوص من كم يوم على هالمنتدى ؟؟
مو من عوايدك
اعترف يالخاروف .. جرجروك البناااات على خشتك ؟؟



عادل :
والله مالخاااروووف غيرك
عندي شغلة مهمة بأخلصها وأجيك



فهد : وهالشغلة المهمة ماتقدر تنتظرك لين ترجع للبيت ؟؟


عادل (وهو يقوم من مكانه) : لا هالشغلة بالذاااات ماتقدر تنتظر




دخل المنتدى
أول ماسجل دخوووله

رااااح على طول لملفها الشخصي


أجهلك
آخر نشاط : 2009/3/2


هذا رابع يوم لها مادخلت المنتدى !!

غـريـبــــــهـ

يااااارب مايكون صاير لها شي !



سجل خروجـهـ من المنتدى

ورجع لخويه فهد


فهد :
مسرع خلصت أشغالك .. والا الحبايب ماأعطوك وجه


عادل : ترى مو فاااايق لك


فهد :
أصلا باين من ملامح وجهك !!
عسى ماشر ؟؟



عادل : مليت من هالمكان .. ماودك نطلع ؟؟


فهد : أوكي .. نطلع !!


كان يسوق السيارة وهو بعاااالم ثااااني


فهد :
يالأخو .. أبو الشباااااااب .. يالطيب .. عـــاااااادل


عادل : بسم الله وشو له تصارخ ؟؟


فهد :
بدري ، تو الناااااس .. وين كنت ساااارح ؟؟
من اليوم وانا جالس أناديك



عادل : لاسارح ولا هم يحزنون


فهد :
ايــهـ واااااااضح ههههههههه
اللي مااااخذ عقلك يتهنى به



عادل (يقول بخاطرهـ) محد مااااخذ عقلي غيرها


آنثى ولاكن ...........
{[ لا إله إلا الله وحدة لا شريك له له الملكـ وله الحمد وهو على كل شيء قدير ]}3
آنثى ولاكن ........... 29-12-2009, 08:07 PM
لمحـة شجـن ..~ آنثى ولاكن ...........
♪صُـوُتـ مَبْحُـوُح الحُـرُوُفـ♪
آنثى ولاكن ...........




( 3 )


أم ريناد : ريناد لاتعذبين قلبي معك .. قومي نوديك المستشفى


ريناد (وهي تتلوى بفراشها) : يمه ماااابي أروح المستشفى .. ماااافيني شي ماااااافيني شي

أم ريناد : حبيبتي عشان خاطري ، شوفي شلون جالسة تتألمين ، من كم يوم وانتِ على نفس الوضع
تقولين مافيني شي .. وانتِ تتلوين من الألم



ريناد (حضنت أمها) : يمه والله مافيني شي .. مغص خفيف يجي ويروح

أم ريناد : كل هالألم اللي يجيك وتقولين مغص خفيف ؟؟


ريناد : لو كان الألم قوي ماكان تحملته يايمه أكيد بأروح المستشفى



ومازالت أم ريناد جالسة تحاول تقنع بنتها بروحة المستشفى

بس رينـــاد راااااافـضـهـ !!








خايفة تروح المستشفى بس ماتدري ليــهـ ؟؟

آخر عهدها بالمستشفيات ؛ لما كان عمرها 10 سنوات

الألم بيذبحها .. بس جاااالسة تكااااابر !!








جلست على هالحال لمدة اسبوع

بعدين حست انها بدت تتحسن والألم بدا يتلاشى




فترة مرضها ماكانت تدخل النت نهائيا


فتحت اللاب تبعها

فتحت ايميلها

شافت رسايل كثيرة من صديقاتها يستفسرون عن غيبتها وتقفيل جوالها !!


راحت تسجل دخولها (بمنتدى ....... )



عدد التنبيهات : 21

رسايل خاصة ورسايل زوار

كلهم يسألون عن سبب إنقطاعها المفاجيء


فرحت مررررهـ ماكانت متوقعـهـ إن أعضاء المنتدى بيفتقدونها بهالشكل


من ضمن (الرسائل الخاصة)

فيه 3 رسايل من العضو (إفهميني)

الأولى :

ريناد عسى ماشر ؟
3 أيام مابينتي
غريبة
مو من عوايدك



الثانية :

وربي بديت أقلق ..
ياليتك تطمنيني عليك أول ماتشوفين الرسالة



الثالثة :


مشكلتي اني ماأدري وين أرضك عن سماك
والا ماكان جلست أنهش بأعصابي كل هالوقت

أتمنى يكون المانع من تواجدك خير





ريناد (بخاطرها) : وااااااو معقولة يكون لهالدرجة خاااايف وقلقاااان علي !!
لااااا ياريناد .. انتبهي .. عادل يعاملك كأخت
لاااااتتجاوزين هذا الحد معااااهـ .. ولاتفكرين انك تحبينـهـ !!




أرسلت له رساله

...........

!

4 )

جالس يتصفح بعض المواقع
وماكان له نفس يدخل (
منتدى
......)
لأنه تعب من الإنتظاااااااار


عادل (
بخاطرهـ) :
يمكن البنت ملت من المنتدى !!
وانا اللي جالس أحرق أعصابي على ولاااا شي !!




قبل مايقفل اللاب
راح يشيك عالمنتدى
يمكن يلاقيها !




التنبيهات :
1




موووو مصدق عيوووونــهـ

وأخيـــرا
وأخـيـــــــرا يــاريـنـــــاد



رسالة خاصة جديدة

من

أجهلك :

مساء الورد والذوق والشوق
أسعدني سؤالك عني ياعادل
حبيت أقول لك اني أنا بخير
بس كنت تعبانة شوي بالفترة اللي راحت

مشكووور على إهتمامك





على طول بدا يكتب لها رد على رسالتها :

سلامتك رنو ماااااتشوفين شر
خوفتينا عليك يالدوبا
وانت بس تتدلعين (:

اسمعيني .. لو تعيدينها مرة ثانية ترى بأتوطى في بطنك

طيرتي عقلي
صرت شبه مجنوووون

ياويلك مني ياريناد لو عاد غبتي هالغيبة







قرت رسالته
وانرسمت إبتسامة على شفايفها

الشوووق واضح بكلامـــهـ



أرسلت له (
من دووون وعي
) :

إشتقت لي ؟




أرسل لها :

جنني الشووووووق






ماتوقعت هالرد !!

ماتدري هي وش كانت متوقعة

بس الأكيد انها ماتوقعت منه يجاوبها بهالصراحة



ماعرفت وش تكتب لــهـ !!!



بالأخير أرسلت لــهـ :

(فيس مستحي)

آنثى ولاكن ...........







راحت ترد على باقي الرسايل الخاصة
ورسايل الزوار


بس كل تفكيرها كان مع (
عادل)

آنثى ولاكن ...........
{[ لا إله إلا الله وحدة لا شريك له له الملكـ وله الحمد وهو على كل شيء قدير ]}5
آنثى ولاكن ........... 29-12-2009, 08:10 PM
لمحـة شجـن ..~ آنثى ولاكن ...........
♪صُـوُتـ مَبْحُـوُح الحُـرُوُفـ♪
آنثى ولاكن ...........




( 5 )


استمرت علاقة ريناد بـ عادل
مثل ماهي
الإعجاب كان يكبر بداخل ريناد

كل يوم تكتشف بعادل شي جديد
شي يعلقها فيه أكثر وأكثر











مرّة من المرّات
كانت جالسة تسولف مع عادل بالرسايل


أجهلك :

عادل
أنا مرتاحة لك مررررة



إفهميني :


شعور متبادل والله
أنا جالس أكلمك ، وكأني جالس أكلم نفسي
أحسك قريبة مني بالحيل



أجهلك :

فيه كلام بخاطري ودي أقوله لك


إفهميني :

قولي اللي بخاطرك ،، كلّي معك


أجهلك :

اممممممممم
ماينفع أقولك هنا بالمنتدى
ممكن ايميلك ؟؟





أعطاها ايميلــهـ ..

وجلسوا يتكلمون بالمسن



ريناد : أكيد مستغرب من طلبي !


عادل : لا مو مستغرب ، بس متشوق أعرف وش هالكلام اللي ماكنت قادرة تقولينة بالمنتدى !


ريناد : مو عارفة من وين أبدا !!


عادل : وش نوع الكلام اللي بتقولينه ؟؟


ريناد : امممم أنا عندي مشكلة

عادل : وش هي مشكلتك ؟؟؟؟

ريناد : ماأدري

عادل : طيب هذي المشكلة صايرة لك من زمان ، والا توها صايرة لك ؟؟


ريناد : مدري


عادل : ريناد انت من ايش خايفة ؟؟
افتحي لي قلبك



ريناد : عادل انت تدري كم عمري ؟؟


عادل : انتِ قلتِ لي إن عمرك 20


ريناد : امممممممم
طيب أنا فعلا عمري 20


عادل : وين المشكلة !!


ريناد : أنا للحين مابلغت !!!


عادل : من جدك تتكلمين ؟؟


ريناد : ايـــهـ


عادل : مارحتي المستشفى ؟؟
مافكرتي تكشفين على نفسك



ريناد : لا


عادل : وأهلك ليـــهـ تاركينك كذا ؟؟

ريناد : أهلي مايدرون
أنا مفهمه أمي اني بلغت



عادل : ماودي أخوفك
بس لازم تروحين المستشفى
وضعك هذا مو طبيعي


ريناد : مو هذي المشكلة وبس !!


عادل : وش باقي بعد ؟؟


ريناد : أنا ......................


عادل : انتِ ايــــش ؟؟؟


ريناد : لا ولا شي


!







يتبع

عادل : تكلمي ياريناد .. انتِ من ايش خايفة ؟؟
طلعي لي اللي بخاطرك



ريناد : خلاص أنا طلعت اللي بخاطري


عادل : بس أنا متأكد إن فيــهـ أشياء ماقلتيها !!


ريناد : لا صدقني مابقى شي


عادل : تكلّمي

ريناد : وش أقوووول ؟؟


عادل : تعانين من شي ثاني غير اللي قلتيـهـ ؟؟


ريناد : لا


عادل : بأقرب وقت لازم تروحين المستشفى


ريناد : خايفة


عادل : من ايش خايفة ؟؟


ريناد : مدري


عادل :
مافيك إلا العافية إن شاءالله
يمكن عندك مشكلة بالهرمونات
يعطونك حبوب تستمرين عليها لفترة معينة وتنتهي مشكلتك بإذن الله



ريناد : تتوقع إن هذي هي المشكلة وبس !!


عادل :
ماأدري ، أنا جالس أقول (يمكن)
روحي اليوم للمستشفى



ريناد : بأروح بكرة إن شاء الله


عادل :
وإذا مارحتي بكرة
وش تبين أسوي فيك ؟؟



ريناد : امممممم إذبحني


عادل : واذا ذبحتك ، كيف أعيش ؟؟؟؟؟


ريناد : عااااادي بتعيش مثل الأواااادم (:


عادل : من غيرك ماااارااااح أقدر أعيش


ريناد : ليـــهـ ؟؟


عادل :
لأنك صرتي جزء من ذاااااتي


ريناد : !! أنا جزء من ذاتك ؟؟


عادل : مستغربة ؟؟؟


ريناد : ايـــهـ

عادل : يعني انتِ مااااكنتِ حاســهـ فيني ؟؟؟


ريناد : أحس بــ ايــــش ؟؟


عادل : لا ولا شي !!!


ريناد : دووووب زعلت ؟؟؟


عادل : من ايش بأزعل !!


ريناد : طيب كمّل كلامك


عادل : خلاص ماعندي شي أقولــهـ


ريناد : أكــيــد ؟؟؟؟


عادل : أحـبـــك


انصدمت ريناد لما قرت كلمة عادل



أحـبـــك !!

لااااااااااا هي ماكانت تبي الأمور توصل بينهم للحب !!

لا مستحيل

لازم توقفــهـ .. لااااينجرف معها أكثر !!






ريناد :
تمزح صح ؟؟


عادل : !!! أمزح ؟؟؟


ريناد : تحبني مثل أختك صح ؟؟


عادل :
إذا هذا اللي يريحك .. ايـــهـ أحبك مثل اختي
ارتحتي ؟؟



ريناد : ايـــهـ ارتحت




ريناد : يمه أنا طالعة .. تامرين على شي ؟؟


أم ريناد : وين بتروحين حبيبتي ؟؟


ريناد : بأروح المول مع صديقتي سارة


أم ريناد : اوكي .. انتبهي لنفسك


ريناد : باااااي







ركبت السيارة

وتوجهت مع السواق



للمستشفى !!










عند الدكتور


جالسة تشرح مشكلتها



ريناد :
عمري 20 سنة وللحين مابلغت
ولاظهرت فيني أي علامــهـ من علامات البلوغ

ووو ....



الدكتور : و ايــش بعد ؟؟


ريناد :
اممممممم
مدري
أحس اني مو بنت !!



الدكتور : كيف تولّد هذا الإحساس عندك ؟؟


ريناد :
مدري
بس أحس اني من داااااخل ' مو بنت
ماأشوف اني مثل صديقاتي وباقي بنات العائلة
أنا أختلف عنهم كثير !!










قرر الدكتور يسوي لها تحاليل
وفحص شامل










نتيجة التحليل تظهر بعد اسبوع











بالأسبوع هذا كانت (ريناد
) على جمر

فهّمت (
عادل
) إنها راحت المستشفى
وقالت لــهـ المشكلة بالهرمونات مثل ماهو توقع !!


(ماتدري هي ليـــهـ كذبت عليــهـ !!)

يمكن ماتبي تفقدهـ !!















عادل وريناد
بالمسن


ريناد :
متضاااايـقــهـ حيــــل


عادل :
سلااااامتك ياقلبي
ليت هالضيقة فيني ولا فيــك



ريناد :
يسلم لي قلبك
آآآآآآآآآآهـ ياعادل
بداااااخلي صرخــهـ
بداااااخلي كلااااام
بعيوني دموووووع

أنا تـعـبــاااااانـــهـ



عادل : أبي أكلمك


ريناد : حتى أنا أبي أكلمك


عادل : يعني ماعندك مانع ؟؟


ريناد :
لا ماعندي مانع
ولو ماأعطيتني الحين رقمك
أنا اللي بأعطيك رقمي


أخذَت رقـمــهـ !




دقت عليـــهـ

بأصابع ثابتــهـ
وقلب جــامــد


مااااحست بــ خوف ولا تردد !





ريناد :
ألو


عادل : يااااهلا بهالصوت


ريناد : امممم كيفك ؟؟


عادل : بخير ياعساك بخير


ريناد : أزعجتك بطلبي ؟؟


عادل : لا والله بالعكس ،، تراي مبسوووط حيـــل



بهالمكـااالـمــهـ

إرتاااااحت لــهـ أكثر
' وهو تعلق فيها أكثر وأكثر















.
.
.
















اليوم نتيجة التحليل


ريناد على أعصااااااابها

الخوف بيقتلها











عند الدكتور

الدكتور :
ريناد انت مرتاحة بوضعك الحالي (كأنثى)
والا تحسين إن ميلانك لجنس (الذكر) أقوى ؟؟



ريناد :
مثل ماقلت لك دكتور
أنا أحس من داخل اني مو بنت
وهذا الشي مضايقني ومشتتني


الدكتور :
بعد الأشعة والتحاليل ياريناد
إتضح لي إن هرمونات الذكورة عندك أكبر
وانت في الواقع (ذكر) مو (انثى)
والأعضاء التناسلية الذكرية مكتملة فيك لكنها موجودة داخل جسمك !!



ريناد مصدوووومة .. مع انها كانت متوقعة هذا الشي

ريناد :
طيب وش الحل ؟


الدكتور :
عملية تصحيح الجنس
عملية لاااازم نجريها لك عشان نرجعك لوضعك الطبيعي



ريناد (بخوووف) : عملية ؟؟؟


الدكتور :
هذي عملية سهلة وبتكون آخر مرحلة بإذن الله
بس قبل العملية .. راح أكتب لك على حبوب .. تستمرين عليها مدة معينة
وتتأهلين نفسيا لوضعك الجديد
ومن ثم نجري لك العملية
وقبل كذا .. لازم أشوف ولي أمرك
والحديث راح يكون معــهـ بإذن الله




















مر يوم

يومين

ثلاث أيام

على كلام الدكتور


وريناد حابسة نفسها بالغرفة
ومنهااااارة من الصدمة



حاولوا أهلها يعرفون وش اللي صاير معها بالضبط

بس هي مقفلة على نفسها ، ومو رااااضية تعطي أحد أي إجابة


بعد إسبوع


قررت تفاتح أمها بالموضوع
وتقول لها على كل شي بالتفصيل


الصدمة كانت قوية على
أم ريناد
بس ماحاولت توضح لبنتها عشان ماتضايقها

أم ريناد :
قبل كل شي لازم آخذك لطبيب ثاني
يمكن يكون هذا الطبيب غلطان بالتشخيص والفحوصات







وكانت نتيجة الفحوصات والتحاليل
مطابقة للنتيجة الأولى




وأصبحت عملية التصحيح أمر محتم على ريناد






تكفلّت أم ريناد بــ توصيل الخبر لـ أبو ريناد واخوانها


وصار الموضوع واضح للكل

الكل إنصدم

بس حاولوا يبينون لـ ريناد إن هذا أمر عادي

وهذا اللي ربي كاتبـهـ لـهـا !


عادل .. مفتقد ريناد ، ومستغرب غيابها وتطنيشها

دخولها للمنتدى والمسن أصبح شبـهـ معدوووم !!

جوالها أغلب الوقت (
مقفل
)



بدا يقلق

خايف يكون صاير لها شي !!

وخايف تكون ريناد (
ملّت مـنـهـ
) !!




أرسل لها مسج عالجوال :

ممكن تعطيني من وقتك (ثواني بس)
وتطمنيني عليك ؟؟





راح يوم ' ويومين '
وثلاثة عالمسج

وماااااوصل لـهـ أي رد !!















ريناد بهذا الوقت كانت تعاني من تعب نفسي شديـــد
جالسة تحااااول تأقلم نفسها
على إنها تترك حياة (
البنات) وتنخرط في عالم (الرجال
)
وهذا الشي صعب عليها بالحيل


أهلها ماقصروا معها
وجالسين يساعدونها عشان تتجاوز هذي المرحلة بسلام

وكانت منتظمة على إستخدام الحبوب



















كانت جالسة بغرفتها
فتحت اللاب
وفتحت ايميلها

بهذاك الوقت كان عادل فاتح ايميله ويشيّك عالرسايل

انجن لما شافها أون لاين
يعني هي بخير ومافيها إلا العافية
والمسألة كلها
'
كانت مسألة تطنيش !


سجل خروجـــهـ



انتبهت ريناد إن عادل سجل خروجــهـ بعد دخولها مباشرة
قالت بخاطرها : يعني هو زعلان مني !!



أخذت جوالها واتصلت عليــهـ


مكالمة

مكالمتين

وعاااادل
/
مطنش

حاولت محاولة (
أخيرة
)

بعد ثلاث رنات


عادل :
ألو


ريناد : أهلين


عادل : ياهلا فيك


ريناد : قبل كل شي ،، ودي أقول لك (أنا آآآآسفة)


عادل : وهذي وين تنصرف ؟؟


ريناد :
أنا أدري انك شايل بخاطرك ،، وماألومك
بس لاااازم تقدر ظروفي



عادل :
أكيد بأقدر ظروفك
بس مو لازم أعرف أول شي وش هالظروف ؟؟





حاولت تخترع لــهـ أي سالفة
عشان يعذر غيابها ومايعاتبها
بس ماجابت لـهـ أي طاري على موضوع (
العملية
)












حاولت ماتكرر غيابها عن عادل
وتكلمة بين كل فترة والثانية
























بدت تحس بتغيرات كثيرة بجسمها
وصوتها

الأدوية أعطت نتائجها بشكل وااااضح


خافت إن عادل يكتشف التغيير بصوتها
فكانت إذا كلمتــهـ تحاول تنعم صوتها قدر المستطااااع




بعد سبع شهور











تحدد موعد العملية


الرهبة والخوف دااااخل ريناد انخفض مستواها بس ماتلاشت

مازالت خايفة من مستقبلها
ومن نظرة المجتمع لها !!

لكن هذا قدرها ،، هي وش تقدر تسوي !!









ودّعَت حياة البنات ،
ودعت صديقات الطفولة والصبا

ودعت ملابسها

مكياجها

عطوراتها

غرفتها


ودّعت كل شي يخص (
ريناد
)

وبدت تقتحم عالم الرجال

بجسد مختلف وروح متجددهـ

ريناد / انتهت
وابتدت حياة / جواد



























.
.












جــــواد

تنتظرهـ حياة جديدهـ

وعاااام مختلف تماما


صعب إنـهـ يتأقلم على هالعالم المجهووول بالنسبة لــهـ








مازال حابس نفسة بالغرفة اللي تغير أثاثها ولونها
وأصبح طابع الغرفة (
طابع ذكوري
)


يبكي
/ يئن /
يتعذب

ودّهـ لو يرجع الزمان للخلف

قبل مايقرر .. إنه يروح للمستشفى

لـيـتـهـ بقى على حاااالــهـ وعلى عـمـاااااهـ










كان يشوف إتصالات (عادل
) ومسجاتــهـ

بس نفسيته ماااكانت تساعدهـ على إنهـ يكلّم أحد



ومع كثرة مكالمات عادل وإصرارهـ

رد عالإتصال


جواد (
وهو يحاول إنه ينعم صوتـهـ) : ألو


عادل : عاش من سمع هالصوووت !


جواد : عاشت أيامك


عادل :
سؤال أبي إجابتــهـ بصرااااحــهـ
رينــاد انت يضايقك إتصالي ؟؟


جواد : ليش تقول كذا ياعادل ؟؟


عادل : من تطنيشك


جواد : أنا ماطنشتك برغبتي .. عادل كان عندي ظروووف ، وانت لازم تقدّر


عادل :
انتِ عااارفتني اني أراعي ظروفك ومستحيل ألومك على شي خاااارج عن إرادتك
بس ماااأتوقع إن هالظروف كانت تمنعك من إنك تطمنيني (برسااااالة) عالأقل !



جواد : معك حق والله ' بس أنا نفسيتي كانت تعبااااانة


عادل :
وليـــهـ تحرميني من اني أشااااركك همومك وآلامك ومشاكلك ؟؟
ليـــهـ تحااااولين تبعديني عنك ؟؟
ريناد إذا أنا ماكنت جنبك بظروفك
متى بأكون جنبك ؟؟



جواد : ماااااأبي أتعبك معي


عادل :
بس أنا راااااضي بالتعب اللي يجي منك
رااااااااضي يارينــااااد راااااضــي



جواد :
أوعدك ماعاد أعيدها
خلاص ياعادل لاتضيق صدري أكثر


عادل : سلاااامة صدرك من الضيقة












كمّل مكالمتــهـ مع عاااادل
وقلبــهـ يتفتق من دااااااخل

هو مايبي يلعب بمشاعر هالإنسان
ولا يستمر بهالكذبة المقيـتــهـ
يبي يصااااارحـــهـ


بس كــيــــــف ؟؟؟



بعد شهر


ماااااقدر (جواد
) يستحمل الكذبة أكثر من كذا

هو يقدّر (
عادل
) ويحترمــهـ

لااااازم يصحيــهـ من الوهم اللي هو عااااايـش فيــهـ




عادل يحب ريناد

بس ريناااااد خلاااااص انتهت




























كان يكلم عادل وهو طالع من البيت


جواد :
أهلين عادل .. كيفك ؟؟


عادل : بخير ياعساك بألف خير ، انتِ كيفك حبيبتي ؟؟


جواد : تماااام التماااام ومو نااااقصني إلا شوووفتك !!


عادل :
شوفتي ؟؟ انت تااااامريني أمر
انت بس قولي (أبي أشوفك) وانا أقول لك حاااااضر



جواد : أبي أشوفك


عادل : حـــاضـر


جواد : ترى من جد أتكلم


عادل : يعني أنا اللي أمزح ؟؟


جواد :
الحين الساعة 5 باقي شوي على أذان المغرب
أقدر أشوفك بعد الصلاة ؟؟



عادل :
تقدرين ونص
بس ..... وين ؟؟



جواد : بـ كوفي شوب أو مطعم .. انت شوووف اللي يريحك


عادل : يابنت ' انتِ فصلي وانا ألبس


جواد : أوكي أشوفك بالكوفي شوب اللي بــشارع ................ أوكي ؟؟


عادل : أوكي



















حاول يضبط أعصابــهـ
وكل شوي يعيد لنفسه :
هذا هو التصرف الصح
هذا هو التصرف الصح
هذا هو التصرف الصح




دق على عادل

جواد :
أهلين عادل


عادل : هلا فيك .. وينك ؟؟


جواد : أن عند الكوفي


عادل : أوكي أنا أنتظرك عند مدخل (قسم العوائل)


جواد : دقايق وأكون عندك



(دقااااات قلبــهـ تسبقــهـ .. جالس يردد : الله يستر
)








عند قسم العوائل

شاف واحد واقف .. واااااضح على هيئـتــهـ إنـهـ ينتظر أحد
وماااافـيــهـ إلا هو
' أكيد هذا عادل






طلّع جوالــهـ ودق على عادل

رن جوال الشخص اللي واقف قدامـــهـ


(
تأكد إن هذا عاااادل
)





قفّل الجوال وقرّب عندهـ

جواد : مساء الخير

عادل : مساء النور


جواد : عادل ؟؟


عادل : ايــهـ معك عادل !! وصلت خير أخوي



جواد :
بس ممكن ندخل جوا الكوفي
أدري انك تنتظر أحد
صدقني ماراح أطول عليــــك



عادل : لا عادي ، خـــذ راحتك


دخلوا الكفي


حاول (
جواد
) يختار طاولة بعيدة عن زحمة الشباب وإزعاجهم







بعد ماجلسوا



جواد : مدري من وين أبدا


عادل : خير إن شاء الله ،، خذ راحتك أخوي ؟؟


جواد (يناظر بعيون عادل ، يحاول يوصل لـهـ كلامــهـ بعيووونــهـ ، بس ماقدر) :
عادل .. اممممم أنا

مدري شـ أقول لك


عادل : وش الموضوع ، أقلقتني


جواد :

أنا ..

أنا ريناد !



عادل (وهو يقوم من مكانـهـ) :
يــااااحقـيـر ، يــااااواااااطــي
وجااااي بقوة عين وتقول لي انك (ريناد)



أعطــااااهـ كف بـ أقوى مــااااعـنـدهـ
وتلفظ عليـــهـ بألفااااظ قذرهـ من القهررر اللي حس فيــهـ


جواد :
عاااادل تكفى إفهمني


عادل :
وش أفهم يا ****** هااااهـ وش أفهم ؟؟
على بالك انك طووول هالفترة جالس تسحب فيني ؟؟
مااااجاااابتــهـ أمــهـ اللي يسوي بي هالحركة يا ******



جواد : انت اجلس وهد أعصاااابك .. وانا بأفهمك كل السالفة


عادل (تفل عالأرض) وقال : مابقى إلا هذي .. أنا أجلس مع أشكالك يا *********



قاااال كلمــتـهـ

وطلع من الكوفي






طلع (
جواد
) وراهـ

ينــاااااديـهـ

بس عاااادل مطنشــهـ .. ركب سيارتــهـ ومشى


وجواد وااااقف مكانــهـ


ضاااااقت فيـــهـ الوسـيـعـهـ


هو كان متوقع ردة فعل سيئة من عادل
بس مووو لهالدرجة
حتى ماااافتح لــهـ مجـاااال يتكلم !!


أسبوع

أسبوعين

ثلاث أسابيع

جالس يدق على جوال عاااادل

وعادل مطنشــهـ !!


مااااايأس .. وماااازال يحاول يتصل فيــهـ




دق عليــهـ من رقم (غير رقمــهـ
)

بعد كم رنة


عادل :
ألو


جواد (حاول يثخن صوتـهـ أكثر) : عادل ؟؟


عادل : من معي ؟؟


جواد : بغيتك بكلمتين إذا سمحت


عادل : تفضل


جواد : بس أبي منك وعد (رجال) إنك تسمعني لين أخلص كلامي


عادل : والله هالشنب مو بوجه رجال إن قاطعتك ،، إسلم وانا أخوك


جواد :
تسلم يالغالي
بغيت أكلمك بخصوص ريناد


عادل : قصدك الـ ********


جواد :
اسمعني للأخير
وبتفهم السالفة



عادل :
لو كنت أدري إن هذي هي سالفتك ماكان رديت على اتصالك
بس مادامني وعدتك ،، كمل كلامك وياليت تستعجل


جواد : تتذكر ياعادل إن ريناد قد إشتكت لك من حالتها الصحية ،، ونصحتها إنت إنها تروح المستشفى وتعالج مشكلتها !!


عادل : ايـــهـ .. والزبدهـ ؟؟


جواد :
الزبدهـ ياطويل العمر انها راحت المستشفى زي ماانت نصحتها
وبعد الفحوصات والأشعة
كانت النتيجة إنها (تحتاج عملية تصحيج جنس)
فهمتني ؟؟



عادل : والمطلوب مني الحين اني أصدق هالكلام ؟


جواد : أقسم لك باللي رفع سبع إن هذي هي الحقيقة


عادل : وانت شدراك ؟؟ ومن انت أصلا ؟؟


جواد : أنا جواد


عادل : من جواااد ؟؟


جواد : اممممم ريناد سابقا


عادل : أعتقد إنك خلصت كلامك ؟؟ والا ؟


جواد : ايـــهـ خلصت

عادل : طيب ياليــــت تنسى رقمي



و .... (قفل الخط) ....!


إنكسر شي بداااخل (جواد) من تصرف (عادل)

كانت هذي آآآآآآخر محاولة

والمهم عندهـ |
إنه ريّح ضميرهـ وأنهى هذا الموضوع
|














ريناد / وعادل

|صفحة إنطوت
|

ولازم ينساااااهم


هو إنولد من جديـــد

بـ يتجااااهل نظرة المجتمع السلبية

بـ يكوّن صدااااقــاااات

بـ يشتغل

وبــ يعيش حيــااااتـهـ مثل ماربي كتب لـهـ


هو مو أول شخص ولا آخر شخص
تصير معــهـ مثل هذي الحالة



(الخيرة فيما اختارهـ الله
)

وربي إختار لــهـ .. هذي الحياة

وهو راضي فيها


















جــــواد


دخل لهذي الحياة بـ شهادة ولادة تسجل فيها : الجنس (أنثى)

وبـ يطلع من هذي الحياة بـ شهادة وفاة يسجل فيها : الجنس (ذكر)






























عشت الطفولة |بنت| والحين |رجّال|
أنثى ولكن داخلي { شي ثــانـــي !

20 مرّت والله أعلَم عن الحــال
كنت بـ شتاتي في / حياتي { أعاني



آتمنى تعبجـــــكم ........


Nken ,gh;k >>>>>>>>>>> Nken ,gN;k >>>>>>>>>>>>>>





 

الكلمات الدلالية (Tags)
آنثى ولآكن ..............


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قلتُ لكِ سابق ( أنتي أميرة ) لكن للأسف كاذب .. (أنتي حقيرة )‎ همـس الليـل روعة متكأ النقاش و وجهات النظر 8 2010-03-15 06:02 AM
أول خواطري هنا ولاكن ليست الأولى هناك قاهرتهم روعة جمان القصيد مرتع الشعراء 3 2006-10-25 02:49 PM
لن اقول وداعآ ولاكن إلى لقى قريب؟؟؟؟ أمير الظلام نورُ جديد يعانق أرواحنا (الترحيب) 10 2005-08-22 07:00 PM
قد يبيع المرء شيآ قـــد اشتراه ولاكن لايبيع قلبآ قــد هوووووووووواه ؟؟؟؟ بدر الشوق نورُ جديد يعانق أرواحنا (الترحيب) 11 2005-05-10 03:37 AM


الساعة الآن 02:43 PM

RSS | RSS2 | XML | MAP | HTML


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
هذا الموقع يستخدم منتجات Weblanca.com
HêĽм √ 3.2 OPS BY: ! ωαнαм ! © 2011-2012
new notificatio by 9adq_ala7sas
جميع الحقوق محفوظه لمنتديات روعة احساس

Security team

SEO 2.0 BY: ! Dreams.Com.Sa ! © 2010
تطوير وارشفة الاحلام ديزاين
مجموعة الاحلام ديزاين