ليت الورق..

ليت الورق..

.. مسآئكمـ/ صباحكمـ..شعر


ليت الورق يقرا وش اللي كتب فيه ..
و ليت القلم يدري وش اللي جرا به ..//

ان كان ما تمسي فـ صدري مشاريه ..
و لا اتضايق لو تضيق الرحابـه ..//

وا.. صوتي اللي عجزت الناس توحيه ..
غريب يوم اصوات غيري تشابـه ..//

البيت بيتك و المواري مـواريـه ..
لـكـن كـبـرت و لا كـبـر مـعـك بــابــه ..//

و الناي لو نقض جروحك بـ أغانيه ..
جـروح غـيــرك نـقـضــتـهـا ربــابــه ..//

ما هو يتيم ان كنت انا اللي مغنيه ..
و لا هـو فـقـير ان كان جرحي زهابه ..//

و الغايب اللي يغري الشعر طاريه ..
مـا قــل قــدره لــو يطَــول غـيـابــه ..//

كم لي و انا احث القصايد تخليه ..
حتـى تلاشـت رغـبـتـي في الكتابـه ..//

و الشعر لو يفقد حروفه و اساميه ..
مـدري وش اللـي بعـدها ينبغابــه ..//

احترت بين اعتب عليه و اراضيه ..
اخـــاف لا يـجـرح رضـــاه بـ عـتــابــه ..//

أحيان أقول آبيـهـ , و أحيان ماآبيـهـ ..
الا ابــيـه و لـو يــبـي لـي عـذابــه ..//

يـ اللي تجونه دامني مااقدر آجيه ..
وصــوا ذهـابه .. لا يـشح بــ ايـابـه ..//

و قولوا له اني من كثر ماني أغليه ..
اشـرب ســرابـه و ارتوي من سرابه ..//

و على كثر ماانسى اذا قلت ناسيه ..
دار الــزمان و جــاب عشقــه و جـابـه ..//

حنيت لـ أيامه و ضحكت لياليه ..
قـبـلـه و بـعــده كــل وقـتــي رتـابـه ..//

ان لمت قلبي عاقبتني محانيه ..
و ان قـلـت أبرضا عـز نفسي رقابـه ..//

البارحه كنت اكسر الروح و انهيه ..
كان الـورق ارض و عيـــوني سحابـه ..//

زرعت مااحبه ولا عاد لي فيه ..
و جنـيـت احـبــه لو يطـول غـيـابه ..//

مما راق لي..

المصدر: منتديات روعة احساس

---

gdj hg,vr>>