#شخبطه : كنّ بقعا في ضلوعي في غيابك تبرك

#شخبطه : كنّ بقعا في ضلوعي في غيابك تبرك

(1)


شيب عيني لا بغيت امسح ، بقايا صورهّ
ردني شيّ بقلبي . . قال هذا ( صبرك )
لا مسحته / ماتزيد الا الندم .. والحره
ويش يبقى لك ، بعده الا مدامع حبرك
جر / صوتي بعد عودّك ياعبادي جره
تلني شوقي عليهم ، بعد سهوه عبرك
والله اني لاعشقه .. واشتاقله وابره :
كآن هو برك يا قلبي ولا هو ما برك !
يالبعيد اللي لحقني بعد خيره شره
لاتصدق بي و هرج العاذلين مفبرك
بعد ما خذك الغيآب وذقت حرةّ مره :
يا حبيبي وين صارت دنيتك يا غبرك
احسبنهآ غيبتك كم يوم ؟ غير الكره
تختلف عن كل كره ! طال غيبه شبرك
حافضكّ حفظي لسرك والغرام وسره :
اه كبر الحب في قلبي لك ويا كبرك !
دامك انت بخير . . عايشّ ما عليِه ضره
جعل قبري يحتضني قبل تحظن قبرك !
ولا انا عيني من جروح الهوى محمره
ليت ربي مد قلبي بالصبر من صبرك


(2)





الهوى ب الجانب العف .. و السلم القديم
والله ان يجعل هوى اليوم من عينك يطيح '
بين دمعات وقهر مر بي ليل السقيم
وبين اشعار ورجاوي . . لفا صبح الجريح
وجدني لك في غيابك ، وجّد حال اليتيم
لاسمع في موت الاثنين / في ليل ، شحيح
يا نديم ً . . . ما يعوض غيآباته . . نديم
ثقلني عند العرب غير معك الثقل مييح
ويش ابكتب ويش اخليّ يابو وصفً عديم
والله إني من مرضّ حبك العذري طريح
والله إني خبر انك كريمً . . بن كريم :
مير بخل مواصلك وين ! نبعه ياصريح
والله آنها دعوه القلب لامن لاح غيم :
( يالله انه صيب نافع مع وصلً صحيح)
مل قلبي من وصال الخيال ومل ضيم :
لا تغلى وانت خابر / غرامك ما يزيح
ما جداي الا قصايد، صور ،ليلً سديم :
بكتبك : نظم ونثر بكتبتك نبط وفصيح
واخر اللي لك بقوله ، على قلبي اليم :
غير من باب الصراحه ،بريّح واستريح
دام وصلك / مات وصلك ، ترى حبك مديم
ما يزيحه من خفوقي من الافراق ريح !


(3)


ماكان غالي عشان يعوضه غالي
في دنيتي كان هو مجمل خلايقها
قلبً عطاني من الطعنات غربالي
من زود حبه ، طعونه صرت عاشقها
اغليهّ لو كآن اهو موتي ، و سلالي
واموتّ برصاصته ، وادمن بنادقها
بايامه اشفق على نغمات الارسالي
وافز معهآ . . و ارد اقرا / طوارقها
اربع وعشرين ساعه ايدي بجوالي
واليوم نادر تشوف ايدي تعانقهآ
حب الجفولّ المزيّن صنعه الوالي
قدره ! من الله خالقني و خالقهآ
الله يطعنه هاجوسي ، برى حالي
عبراتي الشوق في ريقي يعلقها
تكفي عن الهرج في همي وغربالي
تنهيده .. القلب قبل : الله يوفقها !

المصدر: منتديات روعة احساس

---

#aof'i : ;k~ fruh td qg,ud ydhf; jfv;