منتديات روعة احساس

منتديات روعة احساس (http://www.ro-ehsas.com/vb/index.php)
-   روعة خمائل النُون للشعر/النثر المنقول (http://www.ro-ehsas.com/vb/forumdisplay.php?f=7)
-   -   انا هلكانه يا يمـه انـا تعبانـه ضمينـي..|| (http://www.ro-ehsas.com/vb/showthread.php?t=26869)

خطوتي لكـ محال 2010-06-28 10:33 PM

انا هلكانه يا يمـه انـا تعبانـه ضمينـي..||
 
يا يمه جيت ابسأل ليه انا حظي مجافينـي
اشوف الناس ملتمه وانا ما بيـن حسراتـي
اشوف افراح من حولـي اسلـم ماتحيينـي
اناديها وانا خجلانـه الـزم فـي تحياتـي
احاكيها يافرحه وين؟ حلفت انك تزورينـي
اشد بحكي ثم ارخـي اداعبهـا بهمساتـي
ولا بـه فايـده يمـه برغبتهـا تمشينـي
تواعد ثم تخلفني او انهـا تنسـى اوقاتـي؟
انا اذكْر دعوتك لله . طلبك انـه يخلينـي
طلبك انه بيرزقني و يوفقني فـي بداياتـي
تعلمت الدعاء منك وصارت عـادةٍ فينـي
اذا نامت عيون الخلق اوجه لربي دعواتـي
رجيت بصوت كله خوف متأمل بيعطينـي
لاجل ما افرّحك يمه رجيت وزدت رجواتي
هقيت ان دنيتي تصدق بدعواتي وتوفينـي
صبرت بحروة آمالي وحروة كل هقواتـي
وجت للخلق ذا كله ولكـن ازرت تجينـي
وقلت اكيد هي خيره حمـدت الله لحالاتـي
كتمـت الآه لا تطلـع ولا ودي تشوفينـي
ما ودي يتعبك نوحي ولا تشقيك شهقاتـي
تجرعت الألم يمّه شربتـه بـأول سنينـي
وجيتك ما بغيت انك تحسي مـر لوعاتـي
اضّحك هم دمعاتي واطمن خوف يحوينـي
واجر بصوتي العالي لاجل عينيك ضحكاتي
واذا صديت عن وجهك اسلم امري لعينـي
تجيني مثل جلادٍ يروق ان شاف دمعاتـي
اجملهـا بذكـر الله واقـول الله بيجزينـي
اهدّي نفسـي اطلبهـا تجملهـا ببسماتـي
ولكن لو نجي للجد تـرى كذبـي مأذينـي
ما عاد استحمل العيشه بتزيفـي لفرحاتـي
انا هلكانه يا يمـه انـا تعبانـه ضمينـي
انا كل ليله اتوفى وارد احيـا لصرعاتـي
ذبحني البـرد يايمـه بغيتـك لوتدفيـنـي
طلبتك انزعي بردٍ سكن واستوطـن بذاتـي
ضلوعي تزاحمت يمه بصدرٍ مـا يكفينـي
من الضيقه من همومي من آلامي وآهاتـي
يلاعب فكري جنون و تلاعبني شياطينـي
توريني ضعف حالي . تذّكرني بمعاناتـي
تشككني بحبك لي واقـول انـك تحبينـي
تعاند حبك بقلبـي تكـذب لـي حكاياتـي
ترى ما هزني خوفي وحبك لي بيحمينـي
ترى ما عمري اشكك والومك في نهاياتـي
انا بس باسالك يمه حقيقه ليه ولدتينـي؟؟؟
بنفس اللحظه يا يمه ولدتي ليه وناتـي؟؟؟
ارد ادعي انا ربـي مـن العلـه يشافينـي
وكل خوفي على قلبك اذا مـروك برفاتـي
انا خايفه مـن احـلامٍ نهايتهـا بتشقينـي
ومن قسوة مشاويري ومـن اخرمسافاتـي
وخايفه والله من قبري ومن تربه تغطينـي
وسيره تنقطع بعدي ما يبقي غير كلماتـي
ابيكي ترضي بالقسمه ورضوانك بيرضيني
تراني لاجلك اتمنى يحقق ربـي رغباتـي
يا يمه لا اشوف الهـم بوجهـك لاتبّكينـي
ترى مكتوبه قبل اولد متى ولوين خطواتـي

مما راق لي..||

للصمت معنى 2010-06-28 11:08 PM

أبيات في غاية الرووووعه
سلمت الايادي يالغلا
دمتي بحفظ الرحمن

حنانْ ال شمريْ 2010-06-28 11:12 PM

سندسْ همسكِ
وانيقه رنه حرفكِ
متقنه بفن مختلفْ حروفكِ
ومختاله همسات سكنت بلبها
ازيز همسي مهلك
لذا تحيه والف ورده
وقبلاتي الطاهره
نقل متقن
شكرا لك
روعه

خطوتي لكـ محال 2010-06-29 08:08 AM

مشكوووووووووووووورات ع المرور الرااائع والمتميز

منورات يالغوالي ..||

نبض إنسان 2010-06-29 08:35 AM

رائع ما اخترتي خطواتي

كلمات مؤلمة وحزينه

صح لسان شاعرها

لا هنتِ

حرير 2010-06-29 09:32 AM

قصيدة وابيات قمة في الروعة
ابداع راقي وتالق متميز
سلم حسك العذب على روعة انتقائك
بانتظار جديدكـ بشوق
دمت بخير

خطوتي لكـ محال 2010-06-29 09:37 AM

مشششكورين ع المرور الرائع والمتميز

منورين ..||

عطر الشووق 2010-06-29 08:13 PM

ابيات جميله و معبرررررره


يعطيك العااافيه ياعنيييييده

صمتي جوابي 2010-06-29 11:05 PM

يسلموووووووووووووووووووووووووووووووو

خطوتي لكـ محال 2010-06-30 04:46 AM

هههههههه

مشكورين على المرور الرااائع والمتميزز


ومنورين..||


الساعة الآن 05:39 PM

Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
هذا الموقع يستخدم منتجات Weblanca.com
HêĽм √ 3.2 OPS BY: ! ωαнαм ! © 2011-2012
new notificatio by 9adq_ala7sas
جميع الحقوق محفوظه لمنتديات روعة احساس

Security team

SEO 2.0 BY: ! Dreams.Com.Sa ! © 2010
تطوير وارشفة الاحلام ديزاين