منتديات روعة احساس

منتديات روعة احساس (http://www.ro-ehsas.com/vb/index.php)
-   روعة خمائل النُون للشعر/النثر المنقول (http://www.ro-ehsas.com/vb/forumdisplay.php?f=7)
-   -   جيت لك انا ارتجيك (http://www.ro-ehsas.com/vb/showthread.php?t=43945)

سيف 2011-04-10 11:30 AM

جيت لك انا ارتجيك
 


جيت لك

لا تزوّدني نحيب
وأنتَ تدري
انك أغلى من دخل قلبي
وسمّيـته حبيب
لاتبكّي الليل فـ بْعَادك حبيبي
وتاخذ القمره وتغيب
ولا تزيد الروح غربه
فوق غربه
وتبعد وتصبح غريب
لأجل هذا
جيت أنادي شوق قلبك
لا يصد ولا يغيب


أنت تدري في بعادك وش يصير
النجوم اطّيِح
لو عنّي رحلت
والغيوم تصيح
لو منّي زعلت
ولو هجرت وصرت أناني
يختنق صوت الأغاني
والأماني تصير أسلاك وتغطّي
كل أطراف المواني
وتجبر النورس يغيب
لجل هذا
جيت لك كلي أنا
أرتجيك بحبّنا
وارتجي قلبك الوافي
لايصد ولايغيب


أنت تدري
لو علي قلْبك قسـى
وطار عن غصني غرامك
وقال ابنْسَـاك ... ونسى
تمطر عيون المسـا
ليل ..وأحزان .. وأسى
وينقلب وجه السما
في وجهي شاحب
وكل غيـومـه
تبتدي بلحظه تعاتب
ويتناثر في وسط ليلي الكئيب
دمع حرّاق ولهيب
لجل هذا ياحبيبي
جيت أقول اليوم
تكفى لا تغيب


ولو تدري في بعادك
ياحبيبي وش جرى
كفّنَت روحي فرَحْهَا
وأنت قلبك ما درى
ولبست الأسود عيوني
واللي مايدري درى
وأنت غايب
يابعد كل الحبايب
ومادريت بقلب ذايب
يرتجيك وماتجيب
يحتريك ...وكل مره
يرجع وظنّه يخيب
لجل هذا ياحبيبي
جيت أقول اليوم
تكفى
ارجع وخلك قريب
و لاتغيب


أنت تدري
لو رجعت لقلب خِلّك ياحنون
بتكْسر الصمت اللي يصرخ
بين همي والظنون
بتمسح بمنديل وصلك
كل دمْعَات العيون
وبيرجع الطير اللي حالف
عن عيوني مايغيب
يرجع يغرّد حبيبي
فوق هالغصن الرّطيب
لجل هذا
وكل هذا
جيت أقول اليوم
ارجع عن قرارك
ياحبيبي لاتغيب

عيون المها 2011-04-10 12:40 PM

رد: جيت لك انا ارتجيك
 
صح لسسانك

راااقت لي كلماتك تسسلم يمنااااااااك




لمسة حنان 2011-04-12 12:46 AM

رد: جيت لك انا ارتجيك
 
طرحت وتالقت
كلمات رائعه
لحضورك النرجس
تقبل تواجدي المتواضع ..

الغلا كله 2011-04-14 09:33 PM

رد: جيت لك انا ارتجيك
 
سلَمتِ يا فاتن , أنتقَآءْ عذَبْ ,
كلَمآت وآحسَآسْ , جِداً روعَه ,
كٌل الَود ,


الساعة الآن 07:30 AM

Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
هذا الموقع يتسخدم منتجات Weblanca.com
HêĽм √ 3.2 OPS BY: ! ωαнαм ! © 2011-2012
new notificatio by 9adq_ala7sas
جميع الحقوق محفوظه لمنتديات روعة احساس

Security team

SEO 2.0 BY: ! Dreams.Com.Sa ! © 2010
تطوير وارشفة الاحلام ديزاين