منتديات روعة احساس

منتديات روعة احساس (http://www.ro-ehsas.com/vb/index.php)
-   روعة خمائل النُون للشعر/النثر المنقول (http://www.ro-ehsas.com/vb/forumdisplay.php?f=7)
-   -   كآن لكـ قلبي ولكن..~ (http://www.ro-ehsas.com/vb/showthread.php?t=25865)

الطف البشر 2010-06-08 12:40 AM

كآن لكـ قلبي ولكن..~
 
ما تغيَّر شي .. لكن .. صار فاضي هالمكـان
يعني إنتَ شفت قلبي! طحت مِنْ عيني وعينـه


كان لك قلبي مدينه ولاحظ إني قلت : { كان }
يعني إنتَ الحين واحد { خارج حـدود المدينه }


ليه مستغرب كلامي وليـه أعطيـك الأمـان ..!
وليه تَكْذِب في كلامك العـذر وينـك ووينـه ..!


ما ألومك كان قلبـك ثـارت أمواجـه وخـان
الخطــا منَّي لأني صرت فـي بحـرك سفينـه


والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..!


جرحي ما يرضيه قلبك لو يجـي كلِّـه حنـان
لو تبــوس الجرح فيني ولـو تقبلهـا إيدينـه


يُوم أحبك قلت كلمه : { يكرَم المرء أو يُهان }
وإنتَ قلبي ما كرمته وما قدرت إنِّـك تهينـه


{ عزِّتـي } .. ما هي جديده آنا شامخ من زمان
إغسل إيدك من رجوعي وروح يا إبن اللذينه


طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بفراقـك يعينـه


تدري لما قلت أحبك قلت وما عنـدي ضمـان
وإختياري كان خاطىء .. تجربه بالحيـل شينـه


كنت تخطي وكنت أسامح مرَّه مرتين وثمـان
أدمح الزله عشانك وأكتـم أنفـاس الغبينـه


كنت أحبك وكنت أعزك والغلا فينـي جبـان
اخاف تزعل لو ألومك ضعت ما بينـك وبينـه


في عيون الناس عادي بس في عيني جنـان
وكان قلبي من يشوفك تفضحه نظـرة حنينـه


ماني أوَّل من يحب ومنتَ آخر شخص خـان
المحبه في زمانك بحـــرها من غيـر مينـه


الفشل .. كان النتيجه وأعتقـد آن الأوان
ببني مستقبل حياتي وأنسى قصتنـا الحزينـه


وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه


جاي تسأل عن مكانك ..! هو بقى فيني مكان ..!
الله يرحمها المشاعر اللي كانت لـك رهينـه


قلت لك قلبي { مدينـه } فيها لك حشمه وشان
لكن إنتَ الحين أغرب شخص في هذي المدينه

حرير 2010-06-13 01:22 PM

احساس راقى
وكلمات رائعه
ابدعت بأنتقاءك وذوقك
راقت لي جدا
دمت ودام عطاؤك

الطف البشر 2010-06-13 01:41 PM

اقتباس:
المشاركة الأصلية كتبت بواسطة حرير http://www.ro-ehsas.com/vb/bdayh-roe...s/viewpost.gif
احساس راقى
وكلمات رائعه
ابدعت بأنتقاءك وذوقك
راقت لي جدا
دمت ودام عطاؤك




شكرآ على مروركـ يالغلآ .. مآقصرتـ ..~


الساعة الآن 06:54 AM

Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
هذا الموقع يستخدم منتجات Weblanca.com
HêĽм √ 3.2 OPS BY: ! ωαнαм ! © 2011-2012
new notificatio by 9adq_ala7sas
جميع الحقوق محفوظه لمنتديات روعة احساس

Security team

SEO 2.0 BY: ! Dreams.Com.Sa ! © 2010
تطوير وارشفة الاحلام ديزاين